D Maren Wiesler (* 7. Februar 1993) isch e ehmoligi dytschi Skirännlaiferi. Si isch in allne Diszipline gfahre un het vu dr Saison 2014/15 bis zur Saison 2017/18 em A-Kader vum Dytsche Skiverband ghert. Ihri Sterkine sin im Slalom un Riiseslalom gläge.
Maren Wiesler  | |||||||||
| Nation |  Dytschland | ||||||||
| Geburtstag | 7. Februar 1993 | ||||||||
| Größi | 174 cm | ||||||||
| Gwicht | 64 kg | ||||||||
| Karriere | |||||||||
|---|---|---|---|---|---|---|---|---|---|
| Disziplin | Slalom, Riiseslalom | ||||||||
| Verein | SC Münstertal | ||||||||
| Status | zruckträtte | ||||||||
| Karriereänd | Augschte 2018 | ||||||||
| Platzierige im alpine Skiwältcup | |||||||||
| |||||||||
| letschti Änderig: 19. März 2018 | |||||||||
D Wiesler stammt us em Minschterdal im Schwarzwald. Anne 2009 isch si uf s Skiinternat Oberstdorf gange un het dert 2012 mit em Abitur abgschlosse. Syterhär isch si Sportsoldati vu dr Bundeswehr un absolviert e Färnstudium zur Sport- un Fitnesstraineri.[1] Im Alter vu 15 Johr het si ab Dezämber 2008 bi FIS-Rännen un nationale Junioreränne mitgmacht. Ihre erschte wichtige Erfolg isch dr dytsch Riiseslalom-Jugedmaischtertitel anne 2010 gsii. Im Jänner 2012 isch si zum erschte Mol bim Europacup derby gsii un het im Novämber 2012 di erschte Pinkt gwunne. Am 16. Merz 2013 het d Wiesler dr dytsch Slalom-Junioremaiuschtertitel gwunne, zämme mit dr Andrea Filser.[1]
Ihre Wältcup-Debüt het d Wiesler am 16. Novämber 2013 bim Slalom z Levi/Finnland ghaa. Mit dr hoche Startnummere 66 isch si iberraschend uf Blatz 23 gfahre un het si dodermit di erschte Wältcuppinkt gsicheret. Am 29. Jänner 2014 isch ere z Sestriere/Italie di erscht Podeschtblatzierig in eme Europacup-Slalom glunge. Ihre bescht Ergebnis in eme Wältcupslalom het si am 5. Jänner 2016 mit em 11. Platz z Santa Caterina gschafft.
Im Augschte 2018 het si ufghert mit ire Sportkarriee un het z Augschburg aafange Grundschuellehramt studiere.[2]
Si wohnt mit ihrem Freind Manuel Schmid z Fische im Allgai.[3]
Wältmaischterschafte
- Vail/Beaver Creek 2015: 12. Slalom
- St. Moritz 2017: 33. Riiseslalom
Wältcup
- 1 Platzierig unter dr beschte 20
Wältcupwärtige
| Saison | Gsamt | Riiseslalom | Slalom | |||
|---|---|---|---|---|---|---|
| Platz | Punkte | Platz | Punkte | Platz | Punkte | |
| 2013/14 | 99. | 15 | – | – | 40. | 15 |
| 2014/15 | 90. | 22 | – | – | 37. | 22 |
| 2015/16 | 73. | 67 | – | – | 27. | 67 |
| 2016/17 | 84. | 38 | – | – | 31. | 38 |
| 2017/18 | 94. | 31 | 50. | 5 | 39. | 26 |
Europacup
- 4 Podeschtplätz, dervu 1 Siig
| Datum | Ort | Land | Disziplin |
|---|---|---|---|
| 6. Dezember 2016 | Trysil | Norwege | Slalom |
Juniorewältmaischterschafte
- Roccaraso 2012: 32. Riiseslalom
Anderi Erfolg
- Dytschi Junioremaischteri (Slalom 2013)
- Dytschi Jugedmaischteri (Riesenslalom 2010)
- 5 Siig in FIS-Ränne
- Websyte vu dr Maren Wiesler
- Maren Wiesler in dr Datebank vum Internationale Skiverband FIS (änglisch)
- Maren Wiesler bei Ski-db (englisch)
- Profil bim Dytsche Skiverband
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
