![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Meyers_Konversations-Lexikon_1885.jpg/640px-Meyers_Konversations-Lexikon_1885.jpg&w=640&q=50)
Lexikon
From Wikipedia, the free encyclopedia
Lexikon (Mehrzahl: Lexika oder Lexike;[1] älteri Schrybwys: Lexicon, zu altgriechisch λεξικόν „Wörterbuech“, λέξις für „Wort“ als einzelne Bestandteil vo de Red) isch allgemein d Bezeichnig für es Nachschlagewärch oder es Wörterbuech im wytere Sinn. Es isch au scho als Synonym für es Sprachwörterbuech ygsetzt worde. Im modärne Sprachgebruuch bezeichnet s hüt meistens es Nachschlagewärch mit Sachinformatione (Konversationslexikon, Realwörterbuch, Reallexikon, Sachlexikon, Sachwörterbuech), wobii je nach Umfang no zwüsched Lexikon im ängere Sinn und Enzyklopädy oder Biografie-Sammelwärch (Who is Who) underschide wird.
![Thumb image](http://upload.wikimedia.org/wikipedia/commons/thumb/7/7a/Meyers_Konversations-Lexikon_1885.jpg/640px-Meyers_Konversations-Lexikon_1885.jpg)
![Thumb image](http://upload.wikimedia.org/wikipedia/commons/thumb/e/eb/Brockhaus_Lexikon.jpg/640px-Brockhaus_Lexikon.jpg)
![Thumb image](http://upload.wikimedia.org/wikipedia/commons/thumb/f/f5/DTV-Brockhaus_1982.jpg/640px-DTV-Brockhaus_1982.jpg)
![Thumb image](http://upload.wikimedia.org/wikipedia/commons/thumb/6/69/Celilo_Falls_-_2009-12-17.jpg/640px-Celilo_Falls_-_2009-12-17.jpg)
Umgangssprachlich und i de Wärbig isch de Sprachgebruuch unscharf. Hüüfig wird lexikografisch e begrifflichi Underscheidig zwüsched Wörterbuech (sprachlichi Information) und Lexikon (Sachinformation) gmacht. Debii chunts zwüsche de Type vo de Nachschlagewärch zue Überlappige,[2] z. B. bei der Etymologie vo de Stichwörter.
Lexika sind historisch gseh naturgmäss meistens als Büecher usechoo. Mittlerwyle verstönd sich au zahlrychi Websyte als Lexika. Bi de Wikimedia-Projäkt, wo sich em frye Wüsse und demit au dr Erstellig vo Online-Lexika verschribe hend, gilted d Wikipedia als Enzyklopädy und s Wiktionary als Wörterbuech.