From Wikipedia, the free encyclopedia
D Leukippide (altgriech. Λευκιππίδες, Leukippides) sind i de griechische Mythologi zwoo Schwöstere, wo vo de Dioskure graubt wore sind. Si haisset Hilaeira (Ἱλάειρα) und Phoibe (Φοίβη „Helli“).
D Leukippide sind d Töchtere vom Leukippos. Di beede Dioskure hend si entfüert und denn ghüroote. De Soo vo de de Hilaeira und em Kastor isch de Anaxis oder Anagon, und de Soo vo de Phoibe und em Polydeukes isch de Mnasinos oder Mnesileos. Nochere Version vo de Saag, sind d Leukippide mit de Apharetide Idas und Lynkeus verlobt gsii, und drom sais zom Champf zwösched de Dioskure und de Apharetide choo.[1]
D Leukippide sind z Sparta as Göttine vereert wore, miteme aigne Tempel und aigne Priesterinne, wo entweder selber Leukippide oder Poloi (πώλοι, pṓloi „Füli“) gnennt wore sind.[2][3] Inschriftlich isch e Priester vo de Leukippide und de Tyndaridai, da isch en andere Name vo de Dioskure, bizügt.[4] Uufälig isch as d Dioskure z Thebe Leukṑ pōlṓ (λευκὼ πωλώ, Dual: „die baide wiisse Füli“) und z Elis Leukippoi („Schümmel“) gnennt wore sind.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.