Si het zu de letschte Kinolegände vo dr „goldige Era“ vo Hollywood ghäärt und het wääred irer Filmkarriere, wo fast siibe Joorzäänt duurt het, an dr Site vo Liinwandgröössene wie iirem Maa Humphrey Bogart, John Wayne, Rock Hudson, Gary Cooper, Marilyn Monroe, Tony Curtis oder Kirk Douglas gspiilt.
Zu iire berüemtiste Film ghööre iire erst Film Haben und Nichthaben (1944), d Thriller Tote schlafen fest (1946) und Gangster in Key Largo (1948), d Liebeskomödie Wie angelt man sich einen Millionär? (1953) und dr Film Liebe hat zwei Gesichter (1996), wo si drfür dr Golden Globe Award und en Oscar-Nominierig überchoo het.
In de 1970er Joor het d Bacall au im Theater am Broadway groossi Erfolg ghaa. Für iiri Daarstellige in de Miusikl Applause und Woman of the Year het si zwäi Tony Awards überchoo.
S American Film Institute het sä 1999 zu de 25 grösste wiiblige Filmstars gweelt.[3] Im Joor 2009 het d Lauren Bacall dr Eerenoscar für iir Lääbenswärk überchoo.
D Lauren Bacall isch e Cousine gsi vom israelische Politiker und Staatspresidänt Schimon Peres.
1944: Haben und Nichthaben (To Have and Have Not)
1945: Jagd im Nebel (Confidential Agent)
1946: Tote schlafen fest (The Big Sleep)
1947: Die schwarze Natter; au: Das unbekannte Gesicht (Dark Passage)
1948: Gangster in Key Largo; au: Hafen des Lasters (Key Largo)
1949: Der Mann ihrer Träume; au: Der Jazztrompeter (Young Man with a Horn)
1950: Zwischen zwei Frauen (Bright Leaf)
1953: Wie angelt man sich einen Millionär? (How to Marry a Millionaire)
1954: Die Welt gehört der Frau (A Woman’s World)
1955: Die Verlorenen (The Cobweb)
1955: Der gelbe Strom (Blood Alley)
1956: Morgen trifft es dich (Patterns)
1956: In den Wind geschrieben (Written on the Wind)
1957: Warum hab’ ich ja gesagt? (Designing Woman)
1958: Geschenk der Liebe (The Gift of Love)
1959: Brennendes Indien (North West Frontier)
1964: Der Mörder mit der Gartenschere (Shock Treatment)
1964: … und ledige Mädchen (Sex and the Single Girl)
1966: Ein Fall für Harper (Harper)
1973: Applause (Färnseefilm)
1974: Mord im Orient-Expreß (Murder on the Orient Express)
1976: Der letzte Scharfschütze (The Shootist)
1978: Ladies mit weißer Weste (Perfect Gentlemen, Färnseefilm)