From Wikipedia, the free encyclopedia
Kunming (chin. 昆明, Kūnmíng, W.-G. K'un-ming, früener Yünnanfu) isch d Hauptstadt vo dr Prowinz Yunnan in dr Volksrepublik China.
昆明 Kunming | ||
---|---|---|
| ||
Koordinate | 25° 4′ N, 102° 41′ O | |
Basisdate | ||
Staat | Volksrepublik China | |
Yunnan | ||
Browinz | Yunnan | |
Flechi | 21.501 km² | |
Iiwooner | 6.800.000 (2009) | |
Dichti | 316,3 Ew./km² | |
Website | www.km.gov.cn (Chinesisch) | |
Sustigs | ||
Status | bezirksfreiji Stadt | |
Zitzone | China Standard Time (CST) UTC+8 | |
Delifonvorwaal | 0871 | |
Postleitzahl | 650000 | |
![]() Kunming (gääl) in dr Browinz Yunnan |
S Gebiet vo der Chärnstadt Kunming isch am Nordrand vom Dian-See und het e Flechi vo öbbe 300 Kwadratkilometer. S Areal vo der ganze bezirksfreie Stadt het e Flechi vo 21'501 Kwadratkilometer. S ganze Verwaltigsgsbiet vo dr hütige Stadt nimmt e Flechi vo 280 bis 300 Kwadratkilometer im Norde vom Dian-See ii; me seit däm d Nordstadt.
Anne 2002 het Kunming öbbe 4,95 Millioone Iiwooner ghaa, im Joore 2009 sis fast sibe Millioone gsi. Doodrzue chömme öbbe ei Millioone Wanderarbäiter. Im Zäntrum vo dr Stadt isch e modärns nöis Gschäftsviertel entstande.
Sit em Joor 2006 entwicklet sech d Stadt starch wyter, und si verstoot sich as e bedütends Door vo China gege Südasie und Südoschtasie. I der nöiere Zit wird d Stadt im Oste und Süde vom Dian-See erwiteret. D Oschtstadt isch uf ere Flech vo 160 Kwadratkilometer im nöie Stadtbezirk (sit 20. Mai 2011) Chenggong baut worde und 900'000 Lüt läbe dört. Im Süde vom Dian-See blaant mä no meh nöji Kwartier.
Kunmig isch e Industriistadt und iiri Wirtschaftsläistig mach e Driddel vo dere vo dr ganze Prowinz Yunnan us. S Bruttoinlandsprodukt isch 2008 öppebi 160 Milliarde Renminbi gsi, das entspricht eme BIP pro Iiwooner vo 3200 US-Dollar.
In de letschte Joor si d Waggsdumsraate hööcher as 10 Prozänt gsi. Wichdigi Bransche si dr Maschinebau, d Elektrotechnik/Elektronik/Optik, d Metallurgii (Chupfer, Aluminium, Staal), d Chemii (bsunders Fosfor) und d Farmazii. Au d Landwirtschaft isch vo Bedütig. Kunming isch dr grössti Broduzänt vo Blueme und vo Dubak z China.
E groosse Däil vo de Undernääme konzentriert sich in zwäi staatlige Industrii-Entwickligszone, dr Wirtschafts- und Technologii-Entwickligszone, wo s au en exportorientierti Produkzionszone und es Innovazionszäntrum het, und dr High-Tech-Entwickligszone.
Kunming isch e Partnerstadt vo Züri