D Klassifikazion in dr Biologii
From Wikipedia, the free encyclopedia
D Klassifikazioon vo de Lääbewääse isch e Fachgebiet in dr Biologii. Uf dr äinte Site cha drmit d Süstematik (vo altgriech. συστηματικός systēmatikós ‚gordnet‘) gmäint si, uf dr andere s Klassifiziere, das häisst s Iidäile in Klasse, sälber.
![Thumb image](http://upload.wikimedia.org/wikipedia/commons/thumb/f/fc/Hominoid_taxonomy_7.svg/320px-Hominoid_taxonomy_7.svg.png)
D Klassifikazioon vo de Lääbewääse isch monohierarchisch strukturiert in Ebene mit underschidlige Differenzierige, wo jedi Klass nume äi Oberklass cha ha.
Die klassischi Süstematik beschäftigt sich hauptsächlig mit dr Iidäilig (Taxonomii), Benennig (Nomenklatur) und Bestimmig (Identifizierig) vo de Lääbewääse.
Die modärni Süstematik (Stuessy 1990)[1] umfasst au no d Rekonstrukzioon vo dr Stammesgschicht vo de Organisme (Fülogenii) und d Erforschig vo de Brozäss, wo zu dr Vilfalt an Organisme füere (Ewoluzioonsbiologii). Mä bezäichnet si dorum au as natürligi Süstematik.
Nid alli machen en Underschiid zwüsche Klassifikazioon, Süstematik und Taxonomii und bruche die Begriff, wie wenn si Sünonüüm were.