From Wikipedia, the free encyclopedia
De Abderhalden Jörg (* 28. August 1979) isch en Schwiizer Schwinger. Bi ere Körperlängi vo 188 cm het er es Gwicht vo 120 kg. Er gilt wäge sine villne Titel als eine vo de beschte Schwinger.
De Abderhalden Jörg isch eine vo de drü Schwinger in de Gschicht vom Schwinge, wo drü mol Schwingerkönig isch worde, en Titel wo me numm all drü Johr cha erreiche. In der Johr 1998, 2004 und 2007 het er s Eidgnössischi Schwinger- und Älplerfäscht gwunne. Au s Unschpunnefäscht, wo numme alli sächs Johr schtattfindt, het er im 1999 chönne gwünne. Im Jänner 2008 isch der Abderhalden Jörg au zum Schwiizer vom Johr 2007 gwählt worde. Am 14. Oktober 2010 het er si Ruggtritt bekannt gää.
De Abderhalden Jörg isch ghürote und het drü Chind. Er isch im Toggeburg ufgwachse und wohnt z Nesslau.