Jungwacht Blauring Schweiz
e Schwizer Jugedorganisazion / From Wikipedia, the free encyclopedia
Jungwacht Blauring Schweiz isch dr Name vome Dachverband, wo i de düütschschprachige Schwiiz Chinder- und Jugendarbet understützt und förderet. Dezue ghöred öpe 420 Schare, wo d Arbet mit de Chind und Jugendliche vor Ort organisiered und durefüered.[1]
Dialäkt: Züridütsch (See) |
Entstande isch de Verband us de zwei ehemols rechtlich selbständige römisch-katholische Chinder- und Jugendverbänd Jungwacht und Blauring. D Jungwacht isch tradizionell für Buebe und dr Blauring für Maitli zueständig. Sit de 70-er Johr, im Zämehang mit ere vermehrte Zämearbet vo bedne Verbänd, gits au gmischti Schare oder einzelni gmischti Gruppene innerhalb vo Blauring- und Jungwachtschare. Gmischti Schare nänned sich Jubla (Jungwacht + Blauring). Beidi Verbänd händ sich im Zuug vo dr Ökumene au gegenüber andere Konfessione göffnet.
Di ehemolige Verbänd Jungwacht und Blauring händ d Verbandsziitschrift ideejubla use geh. Sit 2012 erschinnt da Informazionsblatt för Jubla-Mitglider ab Stufe Leiter under em Name Hosesack 3-mol jöhrlich.[2]