Dr John Moore ìsch ànna 1862 bii Richmond ìm Fort Bend County-n-ìm Texas uff d’ Walt kumma, àls Suhn vum Dr. Matthew A. un vu dr Henrietta Moore geborena Huddlestone. Ar ìsch ìn d’ äffentliga Schüala vu siinera Haimet gànga, un schpeeter ìns Agricultural and Mechanical College z’ College Station. Drnooh hàt’r ìm Hàndel gschàfft, so wia-n-ìm Bànkasyschteem un ìn dr Làndwìrtschàft (vor àllem àls Vìehzìchter). Gliichzittig hàt’r àls Mìtglìed vu dr Demokràtischa Pàrtäi siina politischa Kàrriar ààgfànga. Vu 1896 bis 1898 ìsch’r Àbgoordneter gsìì-n-ìm Represantàntahüss vum Texas. Ìn da Joohra 1900 un 1916 ìsch’r Delegiarter ìn da jeewìlliga Demokràtischa Nàzionàlversàmmlunga gsìì. Üsserdam ìsch’r vu 1887 bis 1891 Schtààtssekretäär vum Texas gsìì.
Nohdam àss ma-n-ànna 1905 dr Àbgoordnet John M. Pinckney ärmoordert hàt, hàt a Nàchwàhl ìm 8. Wàhlbezirk vum Texas schtàttgfunda, wu dr Moore àls sii Noohfolger ìns àmerikànischa Represantàntahüss z’ Washington, D.C. gwählt worra-n-ìsch. Dr Moore ìsch dräimol wìdergwählt worra, àlso ìsch’r bis’m 3. März 1913 ìm Kongrass blìewa. Ìm Joohr 1912 hàt’r àn dr Kongrasswàhl nìt mìtgmàcht. Noh-n-em And vu siinera Àmtszitt ìm Represantàntahüss ìsch dr Moore witter Vìehzìchter ìm Fort Bend County gsìì. Ar ìsch àm 3. Hornung 1940 gschtoorwa. Beardigt worra-n-ìsch’r uff’m Morton Cemetery z’ Richmond.