Dr Pabst Johannes Paul I., mit bürgerligem Name Albino Luciani, (* 17. Oktober 1912 z Forno di Canale; † 28. Septämber 1978 i dr Vatikanstadt) isch 1978 nach dr Zehlig vo dr katholische Chille dr 262. Pabst in dr Gschicht vo dr Chile und dr bishär letschti Italiäner gsi. Sis Pontifikat isch mit ere Duur vo nume grad 33 Däg eis vo de chürzischte gsi.
| Papst Johannes Paul I. | |
|---|---|
 vom Johannes Paul I. |  |
| Latiinische Name | Ioannes Paulus PP. I |
| Aafang vom Pontifikat | 26. August 1978 |
| Ändi vom Pontifikat | 28. Septämber 1978 |
| Lengi vom Pontifikat | 33 Däg |
| Vorgänger | Paul VI. |
| Nochfolger | Johannes Paul II. |
| Enzyklike | |
| Bürgerlige Name | Albino Luciani |
| Geburtsdatum | 17. Oktober 1912 |
| Geburtsort | Forno di Canale, Italie |
| Dodesdatum | 28. Septämber 1978 |
| Dodesort | Vatikanstadt |
Dr Albino Luciani isch us eme chline Dorf i de Dolomite choo, wo zue de Provinz Belluno ghört. Z Belluno het er s Prieschterseminar bsuecht und isch 1935 zum Prieschter gweiht worde. 1958 isch er Bischof vo Vittorio Veneto und 1969 Patriarch vo Venedig worde. Ab 1973 het er em Kardinalskollegium aaghört.
Im Konklave isch er im Summer 1978 unerwartet zum Pabst gwählt worde. Dr Pabstname Johannes Paul isch e Doppelname, wo us de Näme vo de beide Vorgänger Johannes XXIII. und Paul VI. zämegsetzt isch.
Wäge sym plötzliche Tod im Amt het’s Verschwörungstheorie gäh, de Pabst sig vergiftet worde, zum verhindere, dass korrupti Macheschafte im Vatikan ufdeckt würdid. Es wird aber vermuetet, dass er scho lenger härzchrank gsi und an ere Härzrythmusschtörig gschtorbe isch.
Litratur
- E Karmelitin: Johannes Paul I. Das Leben des lächelnden Papstes. Verlag Neue Stadt, München 1994.
- Manfred Eder: Johannes Paul I. In: Biographisch-Bibliographisches Kirchenlexikon (BBKL). Band 16, Herzberg 1999, ISBN 3-88309-079-4, Sp. 817–822.
- Aloys von Euw: Mit Bergschuhen geht man nicht in den Vatikan - Johannes Paul I. Rex-Verlag, Luzern 1992.
- Georges Huber: Johannes Paul I. Gottes strahlender Meteor. Christiana-Verlag, Stein am Rhein 1979, ISBN 3-7171-0762-3.
- Regina Kummer: Albino Luciani, Papst Johannes Paul I. – ein Leben für die Kirche. Verlag Styria, Graz 1991, ISBN 3-222-12004-8.
- Regina Kummer: Papst Johannes Paul I. begegnen. St. Ulrich-Verlag, Augsburg 2008, ISBN 978-3-86744-047-9.
- Andrea Lazzarini: Johannes Paul I. Der Papst eines neuen Morgens. Herder, Freiburg 1978.
- Josef Mühlbauer: Nur einen September lang. Der Papst der 33 Tage. Derscheider, Much 1978.
- Hans-Günter Röhrig: Johannes Paul I. Ein Lächeln Gottes für die Welt. St. Otto-Verlag, Bamberg 1978.
Weblingg
- Die wichtigste Schrifte, Brief und Aasproche, wo dr Pabst Johannes Paul I. verfasst het (deilwiis uf Dütsch)
| Vorgänger Paul VI. |
Papst 1978 |
Nochfolger Johannes Paul II. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
