Dr Jakob Thommen (* 23. Aprelle 1876 z Gälterchinde; † 6. Juli 1950 z Basel ) isch e Schwyzer Dokter gsii. Är isch Bürger vo Diegte gsi.
Dr Jakob Thommen isch dr Soon vom Jakob Thommen, Müller und dr Rosina Handschin gsi. 1903 het är d Lina Bürgin vo Diepflige ghürotet. Är isch in d Primarschuel z Gälterchinde, in d Bezirkschuel z Böckte und Realschuel z Basel gange.
Dr Jakob Thommen het z Basel und z Losann es Medizinschtudium gmacht und 1899 mit em Schtaatsexame abgschlosse. Är het am Bürger- und am Fraueschpital z Basel gschafft, drno isch är z Berlin und am Chrankehuus z Lieschtl tätig gsi. 1902 het är sy Promozion an dr Uniwärsitet z Basel übercho. Drno het är d Praxis vom Dokter Handschin z Gälterchinde überno und isch 48 Joor als populäre Landarzt tätig gsi. Im Militär isch är Hauptmaa bi dr Sanitet gsi. Im zwöite Wältchrieg het är als Truppearzt sy Dienscht gleischtet. Im Joor 1939 isch är in dr Militärsanitetsanschtalt z Interlake tätig gsi.
Dr Jakob Thommen isch Mitglyd vo dr Schulpfläg z Gälterchinde gsi, färner Mitglyd vom Verwaltigsrot vo dr Elektra Gälterchinde und dr Basellandschaftlige Hüpotekebank.
- Basellandschaftliche Zeitung 11.7.1950
- Landschäftler 8.7.1950. U.B.
- Dr Thommen Jakob im Persone Lexikon vom Kanton Basel Landschaft (Site cha nüme abgrüeft wärde; Suche im Webarchiv)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
