es Dorf und e ehmolegi politeschi Gmaind im Bündnerland, Schwiz From Wikipedia, the free encyclopedia
Hinterrhii (uf rätoromanisch Valragn) isch es Dorf, wo zu dr politische Gmeind Rhiiwald ghört.
S GR im Lemma isch s offiziell Chürzel vom Kanton Graubünde und wird bruucht, zum Verwächslige mit Yträäg vom Name Hinterrhii vermyde, wo öppis anders meined. |
Hinterrhii | |
---|---|
![]() | |
Basisdatä | |
Staat: | Schwiiz |
Kanton: | Graubünde (GR) |
Region: | Viamala |
Gmeind | Rhiiwald |
PLZ | 7438 |
Koordinate: | 735117 / 155075 |
Höchi: | 1624 m ü. M. |
Flächi: | 48.30 km² |
Iiwohner: | 63 (31. Dezämber 2017)[1] |
Website | www.hinterrhein.ch |
![]() s Dorf Hinterrhii | |
Charte | |
![]() |
Hinterrhii isch s erschti Dorf ganz oben im Gebiet vom Rhiiwald, s obere Taal vom Hinterrhii, wo im Südweschte vo dr Region Viamala im Bündnerland liit. Vo dört chunt me übere San Bernardinopass is Misox abe und z Fuess übere Fallerbärg uf Falsch übere.
Öppe i de 1270er Joore sind Walser, wo us em Pomatt, vo Simplu und vo Brig usgwanderet sind, dur d Tessiiner Tääler is Rhiigebiet cho. Ganz oben am Rhii händ si do di erschti Bündner Walsersidlig gründet. Sid denn isch Hinterrhii es dütschsproochigs Dorf.
Über d Bärgpäss vo Kuur uf Bellenz und Chiavenna sind bis is 19. Joorhundert nume Soumpfad gange. Und so händ au d Lüt vo Hinterrhii e gueti Rolle i dr Säumerei übere Bärg gspilt. Wo denn ane 1820 e richtegi Strooss übere Bernardino-Pass bout worden isch, het das ufghört. Im 1967i isch dr Stroossedunel under em Pass dure ufgange.
Uf de 1. Jänner 2019 händ di bishärige Gmeinde Hinterrhii, Nufene und Splüüge zur neue Gmaind Rhiiwald fusioniert. Hinterrhii hät zletscht en Stüürfuess vo 75 Stürprozänt kha.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.