From Wikipedia, the free encyclopedia
Dr Herakleios (latiin. Flavius Heraclius; middelgriech. Φλάβιος Ἡράκλειος, Flavios Iraklios; * um 575; † 11. Februar 641) isch vom 5. Oktober 610 bis zum 11. Februar 641 dr oströmisch bzw. byzantinisch Kaiser gsi. Er isch äine vo de bedütendste byzantinische Herrscher gsi und cha gliichzitig als dr letschti Herrscher vo dr Spootantike und als dr ersti vom middelbyzantinische Riich aagluegt wärde. D Dünastii, won er grümdet het, het bis zum Joor 711 regiert.
Herakleios | |
---|---|
Kaiser vom Byzantinische Riich | |
Regierigsziit | 5. Oktober 610 – 11. February 641 |
Chrönig | 5. Oktober 610 |
Name | Flavius Herakleios Augustus |
Uf d Wält cho | öbbe 575 |
Geburtsort | Kappadokie, hüte Türkei |
Gstorbe | 11. Februar 641 (im Alter vo 65 oder 66) |
Vorgänger | Phokas |
Nochfolger | Konstantin III. Heraklonas |
Verhürotet mit | Eudokia Martina |
Die ganzi Regierigszit vom Herakleios isch im Zäiche vom milidäärische Abweerkampf gege üsseri Aagriffer gstande, zerst gege d Perser, spööter denn gege d Araber. Im Innere isch s Imperium vollständig gräzisiert worde, und dr Staat und d Gsellschaft häi diefi Veränderige erläbt.[1]
Wichdigi Kwelle für sini Regierigszit si d Osterchronik, en anonümi sürischi Chronik (Anonymus Guidi), d Gschichtswärk vom Pseudo-Sebeos, vom Theophanes und vom Nikephoros und d Gedicht vom Georg vo Pisidie.[2] D Kwellelaag isch allerdings seer broblematisch, grad was d Versüech von ere Charakterisierig vom Kaiser betrifft.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.