![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Hans_Erni.jpg/640px-Hans_Erni.jpg&w=640&q=50)
Hans Erni
From Wikipedia, the free encyclopedia
Dr Hans Erni (* 21. Februar 1909 z Luzärn; † 21. Merz 2015 z Luzärn[1]) isch e Schwizer Mooler, Grafiker und Bildhauer gsi. Er het e Hufe Lithografie gmacht, öbbe 300 Blakaat und meereri Wandbilder (so für s Schwizerische Roote Chrüz, s IOC, d UNO und d UNESCO, d ICAO und vili öffentligi und brivati Undernääme), het öbbe 200 Sachbüecher, Enzyklopedie und literarischi Wärk illustriert und Entwürf für öbbe 90 Briefmarke (hauptsächlig für d Schwiz, Liechtestäi und d UNO) und 25 Medallie gmacht. Für die Schwizerischi Nazionalbank het er drei Resärve-Banknote entworfe[2] und 2009 en amtligi 50-Franke-Goldmünze.[3]
![Thumb image](http://upload.wikimedia.org/wikipedia/commons/thumb/a/a5/Hans_Erni.jpg/640px-Hans_Erni.jpg)