en Bezirk im Kanton Appezöll Inneroode From Wikipedia, the free encyclopedia
Goote oder ou Goonte (amtl. Gonten) ischt e politische Gmeend (me sääd offiziöll Bezirk) im Kantoo Appezöll Inneroode i de Ostschwiz.
Gonten | |
---|---|
![]() | |
Basisdate | |
Staat: | Schwiiz |
Kanton: | Appezell Innerrhode (AI) |
Bezirk: | (Bezirk ond Gmeend sönd identisch) |
BFS-Nr.: | 3102 |
Poschtleitzahl: | 9108 |
Koordinate: | 744216 / 243725 |
Höchi: | 902 m ü. M. |
Flächi: | 24,7 km² |
Iiwohner: | 1466 (31. Dezämber 2022)[1] |
Website: | www.gonten.ch |
Charte | |
![]() |
Goote liid ofere Hoochebni zwösched em Chrobeg (1'663 m ü. M.) im Süde ond de Hondwiiler Höchi (1'309 m) im Norde. Zom Bezirk ghööred s Doof Goote, d Wiiler Goontebaad ond Jakobsbaad.
I de Gröndigsurkond vo de Pfarrei Appezöll wedid 1071 s eschtmol Flurnämme bi Gunta ufzöllt. Me cha also aaneh, as de Name vo de Göönte im Hochmoor, wos no hüt i de Geged gid, härchood. De hötig Bezirk Goote bestod sed 1873 us de Rood Goote, de Halbrood Stechlenegg (Höndegoote) ond Tääl vo de Halbrood Rinkebach (Rapisau).[2]
Quelle: Bundesamt für Statistik 2005[3]
Johr | 1850 | 1880 | 1900 | 1910 | 1950 | 1970 | 1990 | 2000 | 2010 |
Iiwohner | 1'202 | 1'556 | 1'594 | 1'621 | 1'462 | 1'209 | 1'419 | 1'379 | 1'446 |
Di katholisch Pfacheeche Sankt Verena isch 1863 bes 66 im nöigootische Stiil bout worde. Uf em lengge Sitealtor stood e Muetter Gottes us em 17. Joorhondet. I de Sakristei werd a Prozessionschrüüz vo 1595 ufbewaart.
S Root Huus häd sin Name vom rote Aastrech. S isch im 18. Joorhondet as es viestöckigs Herrehuus bout woade. Hüt isch s Zentrum für Appenzellische Volksmusik im Huus inne.
Im Jakobsbaad existiet scho sed 1851 s Chlooste Liide Christi mit sinnere Apideek im Chloostelade.
Nebed de Land- ond Forstwertschaft isch d Mineralquöll Gootebaad, wo nebed andene Produkt, s bekannte Getränk Flauder hergstöllt, en wichtige Erwerbszwiig.
Z Goote geeds nebed de Loftsälbah in Chrobeg ui no e Rodelbah ond en Seilpark. Zom Sport betriibe häds ou en Golfplatz, es Nordic Walking Center, en Wenterwanderwäg, e Löipe ond d Schiilift Alpsteeblick. Näbis speziölls isch secher de fööf Kilometer lang Baarfuesswäg vom Gootebaad bes is Jakobsbaad oder omkeert.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.