Giuseppe Motta
From Wikipedia, the free encyclopedia
De Giuseppe Motta (* 29. Dezember 1871 z Airolo; † 23. Januar 1940 z Bärn), vo Airolo TI, isch en Schwiizer Politiker (CVP) gsii.
![Thumb image](http://upload.wikimedia.org/wikipedia/commons/thumb/e/ec/Giuseppe_Motta.gif/150px-Giuseppe_Motta.gif)
Er isch am 14. Dezember 1911 in Bundesrat gwählt worde und isch im Amt verschtorbe. Während siinere Amtsziit isch er de folgende Departement vorgschtande:
- 1912-1919: Finanz- und Zolldepartement
- 1920-1940: Politischs Departement
Er hät sich zäme mit em Bundesrat Felix-Louis Calonder für de Biitritt vo dr Schwiiz zum Völkerbund engagiert. Am 16.Mai 1920 isch d Schwiiz dänn mit eme knappe Schtändemehr (11 Ja / 10 Nein) em Völkerbund biiträte. Er hät 1924 d Völkerbundsversammlig präsidiert.
Er isch Bundespräsident gsii i de Jahre 1915, 1920, 1927, 1932 und 1937 und Vizepräsident i de Jahre 1914, 1919, 1926, 1931 und 1936.
Er hät d Gründig vom Hilfswerch Kinder der Landstrasse aagregt, wo us hütiger Sicht Völkermord a de Jenische begange hät.