S Hilfswärk «Kinder der Landstrasse»
From Wikipedia, the free encyclopedia
S Hilfswärk «Kinder der Landstrasse» isch 1926 as Projekt vo dr halbstaatlige schwiizerische Stifdig Pro Juventute entstande. Mit dr Understützig vo de Vormundschaftsbehörde het mä Chinder vo "Fahrende" ihre Familie wäggnoh. Bis 1972, wo s Projekt noch öffentligem Druck iigestellt worden isch, si drvo öbbe 600 Chinder betroffe worde. S Ziil vo «Kinder der Landstrasse» isch s gsi, d Chinder em Iifluss vo Läbensverheltniss, wo as "asozial" beurdeilt worde si, z entfremde und si an die vorherrschendi Läbenswiis vo dr Mehrheit aazbasse.