From Wikipedia, the free encyclopedia
Ettigä, amtlig hoochdütsch Ettingen, isch e Gmeind im Bezirk Arlese vom Kanton Basel-Landschaft in dr Schwiiz.
Ettige | |
---|---|
Basisdate | |
Staat: | Schwiiz |
Kanton: | Basel-Landschaft (BL) |
Bezirk: | Arlese |
BFS-Nr.: | 2768 |
Poschtleitzahl: | 4107 |
UN/LOCODE: | CH ETT |
Koordinate: | 608396 / 259180 |
Höchi: | 342 m ü. M. |
Flächi: | 6.35 km² |
Iiwohner: | 5587 (31. Dezämber 2022)[1] |
Website: | www.ettingen.ch |
Charte | |
Dialäkt: Baaseldütsch |
Ettigä ligt im Leime- bzw. Birsigdaal uf 342 m ü.M. am Fuess vom Blaue. Sini Nochbergmeinde sin Blaue, Pfäffige, Aesch, Därwyl und die beide soledurnische Dörfer Witterschwiil und Hoofstette-Flüe. S Dorf ligt an de BLT-Dramlinie 10 und 17 (Rodersdorf-Basel). D Flechi vom Gmeindgebiet isch 635 Hektar grooss, drvo sin 35 % Landwirtschaftsgebiet, 50 % Wald und 15 % Siidligsgebiet.
S Wappe isch in zwei blaui und zwei wissi Flächene däilt. Im obere rächte, wisse Egge befindet sich e rots Krüz. Säll erinnert draa, ass s Dorf emol zum Kloster Reichenau ghöört het. D Ufdeilig in blaui und wissi Viertelflächene stammt us em Wappe vom Gschlächt vo de Fürstesteiner, wo über em Dorf in ere Burg gwohnt het, mit em aber weder rächtlig no politisch verbunde gsi sin.
Im Bütteloch hän sich scho vor 12'000 Joor yyszitligi Mensche uffgholte, vo 4500-1800 vor Chrischtus hän dört jungsteizytlige Sippe gsiidlet.
S jetzige Dorf isch im 5. oder 6. Joorhundert em Dorfbach nooch entstande (dr Lauf vom Bach hüt isch unterirdisch). Es het sich in drei Höf gliideret (Ober-, Mittel- resp. Pfand- und Niiderhof). Dr Füerer vo dr alemannische Sippe, wo die Höf uffbaut het, dr Etto oder Atto, het em Dorf dr Name gee.
S Dorf Ettigä het zem Fürschtbischtum Basel ghört, bis sich das ufglöst het, d Grichtbarkeit hett der Bischof zytwyys de Grafe vo Thierstei resp. em Kloster Reichenau übertreit. D Güeter und d Mensche hän verschiidene Chlöschter vor Stadt Basel ghöört. Uf em Wiener Kongräss 1815 isch Ettigä em Kanton Basel zueteilt worde, 1833 bir Kantonstrennig isch es zum Baselbiet cho.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.