S Ebolafieber, vilmol churz nume Ebola, isch en Infekzioonschranket, wo vom Ebolawiirus verursacht wird. D Bezäichnig chunnt vom Fluss Ebola in dr Demokratische Republik Kongo, wo in dr Nööchi von em 1976 dr erst allgemäin bekannti groossi Usbruch vorchoo isch.
Sovil mä hüt wäiss, stärbe am Ebolafieber 50 bis 90 Brozänt vo alle Fäll. As Therapii git s bis jetz nume Maassnaame zum äinzelni Chrankheitssümptom z bekämpfe oder z lindere. Z Dütschland, Östriich, in dr Schwiz und e hufe andere Länder gits e Mäldpflicht bim e Verdacht uf Ebolafieber, wenn dr Erreeger diräkt oder indiräkt noochgwiise wird, wenn d Chranket usbricht oder wenn e hämorrhagische Chrankhetsverlauf oder Dood voorchunnt.
Ursache
Es git fümf Arte in dr Gattig Ebolawiirus: Zaire- (EBOV), Sudan- (SUDV), Reston- (RESTV), Taï-Forest- (TAFV, früener Elfenbäichüste- bzw. Côte-d’Ivoire-Ebolawiirus) und Bundibugyo-Ebolawiirus (BDBV). Usser em Reston-Ebolawirus löse alle andere vier Arte bim Mensch hoochs Fieber über 38,5 °C us zämme mit Bluetige (hämorrhagischs Fieber). 50 bis 90 % vo alle Chranke stärbe dra (Letalität), in Äinzelfäll, z. B. bi Infekzioone mit dr Wiirusspezies BDBV, isch d Letalitäatsroote chliiner.[1][2] Wäge dr hooche Letalität und Infekzionsgfoor isch dr Erreeger in dr höggste Risikogrubbe 4 noch dr Biostoffverordnig iigordnet (nume d Spezies RESTV isch in dr Risikogrubbe 2).
S natürlige Reserwuar vom Wiirus, dr Reserwuarwirt, isch bis jetz umbekannt.[3] Es git aber Indizie drfür, ass as dr Hauptwirt d Nilflugünd in Froog chömme. In Gabun het mä Wiirusbruchstück oder Wiirusantikörper in säggs Arte vo Flughünd, wo sälber nid chrank gsi si, gfunde. Das si Epomops franqueti, Hammerchopf (Hypsignathus monstrosus), Schmalchraage-Flughund (Myonycteris torquata), Micropteropus pusillus, Mops condylurus und dr Nilflughund (Rousettus aegyptiacus) gsi, und in dere Geegend si vorhär Schimpanse und Gorilla am Ebolafieber gstorbe.[4] In Däil vo West- und Zentralafrika wärde die Dier as „Buschfleisch“ gässe. Dorum rootet mä drvo ab, roos Fleisch nid aazlänge oder z ässe.[5]
Dr Subtüp Reston löst in dr Affe-Gattig vo de Makake d Chrankhet us. Bim Mensch het mä das nonif festgestellt. [6]
Litratuur
- Xiangguo Qiu, Gary Wong u. a.: Reversion of advanced Ebola virus disease in nonhuman primates with ZMapp. In: Nature. 2014, doi:10.1038/nature13777.
Weblingg
- Ebolavirus-Infektionen – Informatione vum Robert-Koch-Institut
- Weltgesundheitsorganisation: Global Alert and Response (GAR) – Ebola virus disease (EVD). einschließlich Outbreaks Updates.
- Centers for Disease Control and Prevention (CDC): Outbreak of Ebola in Guinea and Liberia. Outbreak Updates.
- Centers for Disease Control and Prevention: Chronology of Ebola Hemorrhagic Fever Outbreaks. In Dabälleform.
- Marianne Diehl: Britische Forscher: Verwandter des Ebola-Virus verursachte mittelalterliche Pest. Uf: wissenschaft.de (Bild der Wissenschaft) – Leben und Umwelt – Medizin, vom 27. Juli 2001, zletscht abgrüeft am 2. Mai 2014.
- Immunisierung gegen Ebola bei Mäusen gelungen, virusähnliche Partikel lösen starke Immunreaktion aus. Auf: pressetext.austria vom 10. Dezember 2003, zuletzt abgerufen am 2. Mai 2014.
- Andrea Naica-Loebell: Iss nicht Batman – Ebola reist in Fledermäusen. uf: heise.de (Telepolis) vom 6. Dezämber 2005, zletscht abgrüeft am 2. Mai 2014.
- Mehr als 60 Tote in Westafrika. Wer kann das Killer-Virus Ebola noch stoppen? Uf: focus.de vom 26. März 2014, zletscht abgrüeft am 2. Mai 2014.
Fuessnoote
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.