Christoph Graf (Schwizergarde)
From Wikipedia, the free encyclopedia
Christoph Graf (* 5. September 1961) isch sit em 7. Februar 2015 de 35. Kommandant vo de Päbstliche Schwizergarde im Vatikan.
![Thumb image](http://upload.wikimedia.org/wikipedia/commons/thumb/6/69/Christoph_Graf.jpg/220px-Christoph_Graf.jpg)
![Thumb image](http://upload.wikimedia.org/wikipedia/commons/thumb/3/38/BandieraGuardiaSvizzeraGraf-PapaFrancesco.png/640px-BandieraGuardiaSvizzeraGraf-PapaFrancesco.png)
De Christoph Graf isch am 2. März 1987 i d Schwizergarde iiträtte.[1] Er hät sich i de Garde vom Hellebardier zum Underoffizier ufe gschaffed. Isch dänn Usbildner vo de Gardischte gsii und hät as Fäldwaibel d Dienschtplän gmacht. Dänn isch er Hoptma vom dritte Gschwader worde. Am 6. Oktober 2010 isch de Christoph Graf vom Pabst Benedikt XVI. zum Vizekommandant vo de Garde ernennt worde.[2] Als Vizekommandant vo de Schwizergarde isch de Graf erste Beroter vom Kommandant und Verbindigsoffizier noch usse gsii.[3] Endi Januar 2015 hät er s Interims-Kommando vom bishärig Kommandant, em Daniel Anrig öbernoo, wil dä im Dezember 2014 sin Rücktritt per Endi Januar 2015 erchlärt hät. Wil dä Übergang nöd notloos öber d Bühni gange isch, hät s Medie gee, wo spekuliert händ, öb ächt de Pabst Franziskus d Garde wöli uflööse. De Christoph Graf hät die Grücht aber zrugg gwise.[4] Als Kommandant vo de Schwizergarde hät de Christoph Graf de militärisch Grad vom e Oberst.[5]
De Christoph Graf isch Bürger vo Pfaffnau, verhüroted und Vater vo zwai Chind.