Bäch SZ
es Dorf im Kanton Schwyz From Wikipedia, the free encyclopedia
Bäch SZ isch e Ortschaft, wo zu de politische Gmeinde Freiebach und Wollerau im schwiizerische Kanton Schwyz ghöört.
| S SZ im Lemma isch s offiziell Chürzel vom Kanton Schwyz und wird bruucht, zum Verwächslige mit Yträäg vom Name Bäch vermyde, wo öppis anders meined. |
| Dialäkt: Züridütsch (See) |
Gegografii
S Dorf liit am Zürisee und schtosst im Nordweschte fascht a d Zürcher Kantonsgrenze. Bäch isch es Schtraassedorf, d Mehrzahl vo de Gebäude liit a dr Hauptschtraass, wo sich zwüschet eme Berghang und em Zürisee entlang zücht. De Ortsteil Bächau isch e Halbinsle, wo dur s uusbaggere vo Chiis us em See entstande isch. D Firma Kibag betribt döt näbet irem Chiiswärk, en Bootshafe mit Tankstell und eme Winterquartier för d Böötli.
Gschicht
Bäch isch scho sehr früeh i dr Gschicht erwähnt worde, wil d Faktorei vor vilne hundert Jahre dr Chnotepunkt für d Salzuusliferig rund um de Zürisee gsii isch. Im Lauf vo dr Ziit häts jedoch schtarch a Bedüütig verlore.
Früener isch de Ort e Fasnachtshochburg gsii. Sit Mitti vo de 1990er-Jahr isch der Bruuch (d Bächer-Fasnacht) allerdings fascht uusgschtorbe.
Varia
Bäch isch liecht erreichbar mit de S-Bahn vo Züri und über d Autobahn A3, Aaschluss Wollerau. Es git z Bäch e Post, e paar Beize, en Chindergarte und es Primarschuelhuus.
Wäg de schöne Laag am Zürisee und em günschtige Stüürfuess vo de Gmeind Freiebach isch Bäch en beliebte Wohnort. Es wonet under anderem d Shawne Fielding (Ex-Frau vom Botschafter Thomas Borer) und d Patty Schnyder z Bäch und de Tennis-Spiller Roger Federer hät do e Wonig.[1]
Weblink
- Paul Wyrsch: Bäch. In: Historisches Lexikon vo dr Schwiiz.
- Bäch uf de Website vo de Gmeind Freiebach
Fuessnoote
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
