From Wikipedia, the free encyclopedia
Bottewiu (amtlich Bottenwil) isch e Gmeind im Bezirk Zofige vom Schwiizer Kanton Aargau. S Dorf ligt im obere Uerketal an de Gränze zum Kanton Lozärn.
Bottenwil | |
---|---|
![]() | |
Basisdate | |
Staat: | Schwiiz |
Kanton: | Aargau (AG) |
Bezirk: | Zofige |
BFS-Nr.: | 4273 |
Poschtleitzahl: | 4814 |
Koordinate: | 642888 / 237401 |
Höchi: | 493 m ü. M. |
Flächi: | 5.10 km² |
Iiwohner: | 852 (31. Dezämber 2022)[1] |
Website: | www.bottenwil.ch |
![]() Blick uf Bottewiu vom Botteschtei | |
Charte | |
![]() |
De Gmeindsbann isch 510 Hektare gross, dodervo sind 218 Hektare Wald und 45 Hektare überbaut. De höchschti Punkt isch uf 665 Meter, der tüüfschti uf 470. Nochbargmeinde sind die Aargauer Gmeinde Zofige im Weschte, Uerke im Norde, Schtafubach im Oschte, Willibärg im Südoschte und d lozärnischi Wikon im Südweschte.
S erschti Mol taucht Bottewiu in de Namesform Botanwile in ere Urkung us em 1189i uf. In dere Urkund sind Bsitztümer vom Chloschter Muri z Bottewiu beschtätiget worde. Witeri Grundherre sind s Chloschter Eisidle und d Aarburger gsi. Bottewiu het im Mittelalter de zerscht de Grafe vo Länzbrg ghört, ab em 1173i de Kyburger und ab em 1264 de Habsburger.
Wo d Eidgnosse im 1415 de Aargau eroberet hei, isch Bottewiu zu Bärn cho, wo im 1528 d Reformation iigführt het. Di nideri Grichtsbarkeit isch bis ins 1496 bi de Schtadt Zofige gläge und isch dann au zu Bärn cho. Im März 1798 sin d Franzose in d Schwiiz iimarschiirt un hei di Helvetisch Republik usgruefe. Bottewiu ghört sither zum Kanton Aargau.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.