From Wikipedia, the free encyclopedia
Bernmobil isch sitem Jahr 2000 d Gschäftsbezeichnig vom Verchersunernähme vo der Schwizer Bundesstadt Bärn. Der handelsrächtlich Name vom Unernähme lütet witerhin Städtische Verkehrsbetriebe Bern, abgchürzt SVB. D SVB isch sit 1999 es rächtlich eigenständigs Unernähme.
Bernmobil | |
---|---|
![]() | |
Basisinformatione | |
Sitz vom Undernähme | Bern, ![]() |
Webpräsenz | www.bernmobil.ch |
Vorstand | Ursula Wyss Michael Aebersold Severin Rangosch Barbara Schaerer Christian Burren Christoph Erb |
Bedriibsleitig | René Schmied Markus Anderegg Konrad Burri Roman Gattlen Beatrice Marti Martin Stucki |
Verkehrsverbund | Libero-Tarifverbund Bern-Solothurn |
Beschäftigti | 912 |
Umsatz | 174 Mio. Schwizer Franke |
Linie | |
Spurwiiti | 1000 mm (Meterspur) |
Tram | 5 |
Bus | 25 |
Sustige Linie | Moonliner |
Zahl vo de Fahrzüüg | |
Straßenbahn | 48 Glenkwage |
Omnibus | 44 Zweiachser 77 Glenkwage |
Statistik | |
Fahrgest | 102 Mio. pro Jahr |
Fahrleistig | 10,5 Mio. km pro Jahr |
Haltstelle | 279 |
Iiwohner im Iizugsgebiet |
0,3 Mio. |
Lengi vom Linienetz | |
Straßenbahnlinien | 40,8 km |
Buslinie | 104,9 km |
Sustigi Bedriibsiirichtige | |
Depots | 3 |
Ds Netz vo Bärnmobil umfasst füf Tramlinien, drei Trolleybuslinien und sächzäh Autobus-Linien, wobi d meischte ds Stadtzentrum mit de Ussebezirke und Vorort verbinet. Der Grossteil vom zentrumsnah Vercher wird vo Bärnmobil abgewicklet. Sitem Fahrplanwächsel vom 12. Dezember 2004 isch Bärnmobil im Tarifverbund Libero integriert.
Erschti Forme vom öffentliche Vercher sind Rossomnibus gsi. Endi vo de 1870er Jahr verchert en Linie vom Käfigturm uber de hütig Eigerplatz und Schönegg uf Wabern, sie verchere allerdings nur viermal am Tag. D vo der Bevölkrig als Rösslitram bezeichnet Irichtig isch kei Erfolg gsi, sodass der Fuhrhalte zahligsunfähig worde isch.[1] Ab 4. Oktober 1885 verchert uf der Linie Bahnhof–Bärengrabe stündlich oder halbstündlich es zweispännigs Fuhrwerch, wo als Tram-Omnibusdiebscht bezeichnet worde isch. D Linie isch später bis zum Bremgartenfriedhof verlängret worde. Trotzdem isch der Dienscht kei Erfolg gsi und isch wäge mangelnde Fahrgäscht 1889 wider igstellt worde.[2]
Im Jahr 1889 isch d Berner Tramway-Gesellschaft gründet worde. Ab 1. Oktober 1890 isch ds Drucklufttram ider Stadt Bärn gfahre. Es isch mit Druckluft betribe, wo ihri Druckluftbehälter an stationäre Kompressore glade worde sind, di vo ere Jonval-Turbine im Kraftwerk Matte atribe worde isch.[3] Am 17. Mai 1894 isch da Netz erwitert worde, dizmal mit ene Dampftram, wil sich ds Lufttram nur teilwis bewährt het.
Mitem Choufvertrag vom 6. Juni 1898 geit ds Tramnetz per 1. Januar 1900 vo der Berner Tramway-Gesellschaft uf d Stadt Bern uber. Die bildet darfer d Dienschtabteilig Städtische Strassenbahnen Bern (SSB). Für d am 17. November 1924 eröffnet erscht Autobuslinie richtet d Stadt e neui Dienschtabteilig Stadt-Omnibus Bern (SOB) ih. Der Tribstoffmangel im Zweite Wältchrieg füehrt zur Irichtig vome Trolleybusbetrib durch d SSB. 1947 legt d Stadt beidi Abteilige SSB und SOB zemme und nennt si neu Städtischi Verchersbetrib Bern (SVB). Ab 1. September 1947 gilt en iheitliche Tarif für d drei städtischi Verchersmittel. Dermit isch ere Petition us der Bevölkerig entsproche, wo vier Jahr vorher im Gemeinderat behandlet worde isch worde.
Am 26. März 1997 beschliesst der Gemeinderat, der Verchersbetrib us der Stadtverwaltig uszlagre und in en Anstalt des öffentlichen Rechts umzwandle. D Grundlag für dise Entscheid bildet ds neu kantonal Gesetz uber de öffentlich Vercher (GöV).
Am 13. Juli 1999 sind d Städtische Verchersbetrib Bern (SVB) im Handelsregister vom Kanton Bärn als eigeständigs Unernähme itreit.[4] Für d Usgliderig us der Stadtverwaltig isch d Rächtsform vo de städtisch öffentlich-rechtliche Astalt gwählt. Grundlag isch ds Anstaltsreglement vo der SVB vom 28.9.1997.[5] Zum Afang vom Jahr 2000 git sich d SVB d Gschäftsbezeichnig Bernmobil und es neus Logo, verbune mit eme neue Farbkonzäpt mit de dominierende Farbe Rot (ähnlich RGB R210 G0 B55) und Anthrazit (ähnlich RGB R57 G57 B57). Ds erscht Tram im neue Erschinigsbild verchert abem 30. Oktober 2000. Um d Sichtbarkeit vo de Fahrzüg bi Dämmerig und bi Nacht ds verbessre, bechunt Bärnmobil nachträglich vo der Polizei d Uflaf, en helle Strife azbringe. Glichzitig muess d Wagenummer uf der Front und em Heck in Silber statt Rot abracht wärde, um disi bi nächtliche Unfallufnahme erchennbar z mache. Sitem Jahr 2016 wärde neui Fahrzüg ohni de Wiss Strife abglifert und ou bi de ältere Fahrzüg isch der Strife entfärnt worde.
Glichzitig mit der Usgliderig us der Stadtverwaltig sind d Eigetumsverhältniss und Agstellteverhältniss neu greglet worde. Grund und Bode sowie d Immobilie, uner anderem ou d Depots und Verwaltigsgebeude, sind im Eigetum vo der Stadt Bärn blibe. Äbeso d gsamt Gleis- und Fahrleitigsinfrastruktur. Bärnmobil zahlt für d Nützig vo de Immobilie und der Infrastruktur en Mieti und isch ou für de Unerhalt verantwortlich. Bärnmobil ubernimmt ds gsamt Rollmaterial sowie d entsprechende Betribsirichtige, drunder ou d Betribsmittel vo de Wärchstätt sowie ds Mobiliar vo der Verwaltig. D Agstellte verliere ihre Beamtestatus. Nach Ablouf vo der entsprächende Übergangsfriste unerlige si öffentlich-rächtliche Arbeitsverträg.
Am 12. Dezember 2004 find nach 20 Jahr der Wächsel vom bisherige Tarifverbund "Bäre-Abi" uf "Libero" statt. Bärnmobil bechunt für sini Linie der Nummerblock von 1 bis 33 zueteilt, der Regionalverkehr Bern–Solothurn (RBS) d Nummre 34 bis 50. Demit verschwinde nach öppis meh als 80 Jahr d letzte mit Buchstab bezeichnete Linie usem Bärner Stadtvercher.
Am 1. September 2019 isch Bärnmobil em nationale Schwarzfahrerregister biträte.[6]
2019 bstellt Bärnmobil bi Stadler Rail neui Tramlink-Tram wo ab 2023 bestehendi Tram ersetze sölle.[7]
Linie | Strecki | Betribsart | Bemerkig |
---|---|---|---|
3 | Bern Bahnhof – Weissenbühl | Tram | Radiallinie |
6 | Fischermätteli – Bern Bahnhof – Worb Dorf | Tram | |
7 | Bümpliz – Bern Bahnhof – Ostring | Tram | |
8 | Brünnen Westside Bahnhof – Bern Bahnhof – Saali | Tram | |
9 | Wabern – Bern Bahnhof – Guisanplatz Expo – Wankdorf Bahnhof | Tram | |
10 | Köniz Schliern – Bern Bahnhof – Ostermundigen Rüti | Autobus | |
11 | Bern Bahnhof – Neufeld P+R | Trolleybus | |
12 | Holligen – Bern Bahnhof – Zentrum Paul Klee | Trolleybus | |
16 | Köniz Zentrum – Gurten-Gartenstadt | Autobus | |
17 | Bern Bahnhof – Köniz Weiermatt | Autobus | Test mit Batteriebüs sit 2019 |
18 | Bern Bahnhof – Wyleregg | Autobus | Verkehrt Montag bis Freitag während der Hauptverkehrszeiten |
19 | Blinzern – Bern Bahnhof – Elfenau | Autobus | In der Hauptverkehrszeit am Morgen fahren die Busse ab Bern Bahnhof bis Blinzern statt nur bis Steinhölzli (Mo–Fr). |
20 | Länggasse – Bern Bahnhof – Wankdorf Bahnhof | Trolleybus | |
21 | Bern Bahnhof – Bremgarten | Autobus | |
22 | Brünnen Westside Bahnhof – Kleinwabern | Autobus | |
23 | Marzilibahn-Talstation – Badgasse (Mattelift) | Selbstfahrende Kleinbusse | Zweijähriger Pilotbetrieb bis zum 1. Juli 2021,[8] Mo–Fr 11–19 Uhr im 30-Minuten-Takt; 13.30–17 Uhr im 15-Minuten-Takt[9] |
25 | Bümpliz – Gäbelbach | Autobus | Verkehrt nur während der Schulzeiten |
26 | Breitenrain – Wylergut – Breitenrain | Autobus | Quartierbus, teilweise Rundlinie |
27 | Niederwangen Bahnhof – Weyermannshaus Bad | Autobus | Tangentiallinie |
28 | Weissenbühl Bahnhof – Brunnadernstrasse – Wankdorf Bahnhof | Autobus | Tangentiallinie |
29 | Niederwangen Bahnhof – Wabern Lindenweg | Autobus | |
30 | Bern Bahnhof – Marzilistrasse – Bern Bahnhof | Autobus | Rundlinie, fährt nur abends |
31 | Niederwangen – Europaplatz Bahnhof – Brunnadernstrasse | Autobus | |
32 | Riedbach Bahnhof – Bümpliz Bachmätteli | Autobus | |
Linie | Strecki | Betriebsart | Bemerkig |
---|---|---|---|
160 | Bern Flughafen – Belp – Rubigen – Münsingen – Konolfingen | Autobus | |
161 | Münsingen Bahnhof – Spital – Münsingen Bahnhof | Autobus | Die Linie 161 wurde bis zum Fahrplanwechsel vom 15. Dezember 2019 von Postauto betrieben. |
162 | Münsingen Bahnhof – Sonnhalde – Münsingen Bahnhof | Autobus | Die Linie 162 wurde bis zum Fahrplanwechsel vom 15. Dezember 2019 von Postauto betrieben. |
163 | Münsingen Bahnhof – PZM – Brückreuti – Münsingen Bahnhof | Autobus | Die Linie 163 wurde bis zum Fahrplanwechsel vom 15. Dezember 2019 von Postauto betrieben. |
165 | Münsingen – Wichtrach – Gerzensee – Kirchdorf | Autobus | Die Linie 165 wurde bis zum Fahrplanwechsel vom 15. Dezember 2019 von Postauto betrieben. |
166 | Wichtrach – Kirchdorf – Gerzensee – Kaufdorf | Autobus | Die Linie 166 wurde bis zum Fahrplanwechsel vom 15. Dezember 2019 von Postauto betrieben. |
167 | Münsingen – Wichtrach – Oppligen – Oberdiessbach | Autobus | Die Linie 167 noch bis zum Fahrplanwechsel vom 15. Dezember 2019 von Postauto betrieben. |
168 | Münsingen – Trimstein – Worb SBB – Worb Dorf | Autobus | |
331 | Belp Bahnhof – Riedli | Autobus | |
332 | Belp Bahnhof – Aemmenmatt | Autobus | |
E chlini Übersicht vo de Heckwerbige uf de MAN A35 Midi, Mercedes-Benz C2 K und Facelift G CNG.
Die Serie isch mit Hybrid-Antrieb usglifert worde.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.