politeschi Gmaind i da Schwiz From Wikipedia, the free encyclopedia
Bergün Filisur isch de Name von ere Fusionsgmaind im Kanton Graubünde i de Schwiz. Di neu Gmaind isch uf de 1. Jänner 2018 us de politische Gmainde Bergün/Bravuogn und Filisur entstande.[2]
Bergün Filisur | |
---|---|
![]() | |
Basisdate | |
Staat: | Schwiiz |
Kanton: | Graubünde (GR) |
Region: | Albula |
BFS-Nr.: | 3544 |
Poschtleitzahl: | 7477 Filisur 7482 Bergün/Bravuogn |
Koordinate: | 774498 / 169225 |
Flächi: | 190,14 km² |
Iiwohner: | 884 (31. Dezämber 2022)[1] |
Website: | www.berguenfilisur.ch |
![]() Filisur, Tal uswärts | |
Charte | |
![]() |
A de Gmaindsversammlige vom 9. April 2014 z Bergün/Bravuogn und z Filisur isch d Grundsatzfrog von ere mögliche Fusion vo de beedne Gmainde erstmols traktandiert worde.[3] Z Bergün hät me de Verhandligsufnahm zuegstimmt, d Bevölkerig vo Filisur aber bschlüüsst, de Gmaindsvorstand mües zerscht bi de Gmaind Schmitte aafroge.[4] Wil aber Schmitte es Johr vorher i me Grundsatzentschaid sich gegen e Fusion mit de Gmainde im vordere Albulatal entschide hät, isch z Filisur a de Gmaindsversammlig vom Früelig 2015 d Uufnahm vo Verhandlige mit Bergün guetghaisse worde.[5]
Im Amtliche Gmaindsverzaichnis vo de Schwiz isch i de Uusgob vom März 2016 aakündt worde, as uf Aafangs 2017 us Bergün und Filisur e neui Gmaind söll wärda (damals no «Bergün-Filisur» gschribe).[6] A de Sitzig vom 10. Mai 2016 bschlüüsst d Regierig vom Kanton Graubünde en Förderbiitrag för di neu Gmaind im obere Albulatal i de Höchi vo 8,615 Million Franke.[7]
I de zwaite Fusionsbroschüre, wo im Juni 2016 vo de Fusionsarbetsgruppe veröffentlicht worden isch, werd vorgschlage, as de Name vo de neue Gmaind «Bergün Filisur» sii und s Wappe vom ehemolige Chrais öbernee wärde söll.[8]
D Gmaind Bergün Filisur liit im oberen Albulatal und zum Gebiet vo de Gmaind ghöred d Dörfer Filisur (1'032 m ü. M.) und Bergün/Bravuogn (1'367 m), die beede Fraktione Stugl und Latsch wie au die beede Wiiler Preda (mitsamt de Maiesäss Naz) und Chants (1'822 m). D Gmaind hät dodemit e Flächi vo 190,14 km² und zellt knapp tuusig Iiwohner.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.