Bergamasker Alpen
From Wikipedia, the free encyclopedia
D Bergamasker Alpe (ital. Alpi Orobie) sin e Gebirgsgruppe vu dr Sidalpe z Norditalie. Z Italie schwätzt mer – je no Zuegherigkait zur Provinz bzw. Dalschaft vum Veltlin vu dr Alpi Orobie Bergamasche, dr Alpi Orobie Lecchese, dr Alpi Orobie Bresciane un dr Alpi Orobie Valtellinesi.
| Bergamasker Alpen | |
|---|---|
 Ibersicht vu dr Bergamasker Alpe. | |
 Am Passo della Manina mit Pizzo Coca. | |
| Höchst Gipfel | Pizzo di Coca (3.052 m s.l.m.) |
| Lage | Lombardei, Italie |
| Iideilig noch | AVE 68 |
| Koordinate | 46° 5′ N, 9° 59′ O |
Dr Hauptchamm goht iber e Lengi vu rund 80 km zwisch em Comer See im Weschte un em Iseosee bzw. dr Val Camonica im Oschte. Im Norde gränze si an d Dallandschaft vum Veltlin. Im Side gehn si iber in di samfte Biel vu dr Po-Ebeni.
E große Dail vu dr Bergamasker Alpe, vor allem dr Side, bstoht us Chalchschtai, doderby gehen si vu Voralpebiel bis uf iber 2500 m hochi Gipfel mit uusbregte Wandbildige. Di hegschte Gipfel vu dr Chalchbärg sin d Presolana (2521 m) un dr Pizzo Arera (2512 m). Wäge ire Lag sidli vu dr Bruchzone vu dr Periadriatische Noht wäre si dr Sidalpe un mit ire Chalchgebirg dr Sidlige Chalchalpe zuegrächnet. Am gäche Nordabfall vu dr Gruppe un uf wyte Beraich vum Hauptchamm isch dr kristallin Sockel vu dr Sidalpe ufgschlosse. Do drätte verbraitet Gnais un metamorphi Schifer uf.
Bolitisch ghere si zue dr Provinze Lecco, Bergamo, Brescia un Sondrio vu dr Region Lombardei.
Hegschte Gipfel vum Gebirg isch mit 3052 Meter dr Pizzo di Coca. Uf em Hauptchamm, wunin dr Hauptsach vu Wescht no Oscht verlauft, het s – ufzellt no dr Hechi – u. a. Pizzo Redorta (3038 m), Pizzo del Diavolo (2914 m), Monte Legnone (2609 m) un Pizzo dei Tre Signori (2554 m), un e Hufe anderi Gipfel zwische 2500 m un 3000 m. Dr Passo di San Marco (1985 m) fiert as ainzigi Fahrstroß iber dr Hauptchamm vu dr Bergamasker Alpen vum im Veltlin glägene Morbegno no Side uf Mezzoldo.
Mer chännt d Bergamasker Alpe fir e chlairymig verbraiteti Flora un Fauna. Wel do d Veryysi in dr Chhaltzyte arg gring gsii isch, hän do ne Hufe Arte di hegsce Yyständ chenne iberduure. Zem Byschpel het s do Linaria tonzigii (Bergamasker Leinkraut) un Viola comollia (Comollis Veilchen). Anne 2015 isch do d Schabenart Micropterix gaudiella as erscht sibti vu dr fir d Alpe spezifische Urschabenarte entdeckt wor.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
