From Wikipedia, the free encyclopedia
Dr Basilisk (griechisch: basiliskos lat. regulus = „chliine Köönig“; au Sibilus) isch e müthischs Dier und mä het si Naame au ere Gattig vo Leguan in Latiinamerika ge (Basiliske). Er gältet as dr „Köönig vo de Schlange“. In middelalterlige Dierbüecher wärde d Basiliske vilmol as Mischwääse mit em Oberkörper vom ene Güggel, wo uf em Chopf e Chroone dräit, und em Underliib von ere Schlange daargstellt.
Im Lauf vo de Joorhundert, bsundrigs im Middelalter, het mä d Daarstellig vom Mischwääse veränderet und verfiineret: mä het em zwäi oder no mee Vogelbäi gee, Flügel, Fäädere oder sogar dr Chopf vom ene Mensch. Die Veränderige si so grooss gsi, ass mä bis hüte in mängge Kultuure (vor allem im anglo-amerikanische Sproochruum) sproochlig zwüschen em ursprünglige Basilisk, d. h. em Basilisk ooni Flüügel, und eme Cockatrice, eme Basilisk mit Flüügel, underschäidet.
Basiliske häi d Fantasii vo de Mensche sit dr Antike beschäfdigt, und e Hufe lokaali Basiliske-Gschichte si entstande. Au in dr Geegewart chunnt dr Basilisk in dr fantastische Litratuur vor.
Wenn e Basilisk äim aaluegt stirbt mä oder mä wird zu Stäi. Si Schnuuf isch giftig und döödlig. Noch em Plinius em Eltere schliicht dr Basilisk nid wie Schlange uf em Boode, sondern stolziert mit ufgrichdetem Oberkörper ume. Dr Gruch vo Wiiseli het en umbrocht.
Verschiideni Saage bringe Basel mit em Basilisk in Verbindig:
Die middelalterlige Basler häi uf jeede Fall Angst ghaa vor Basiliske. 1474 häi si eme Güggel dr Brozäss gmacht, wil er en Äi gläit häig. D Lüt häi denn glaubt, ass us eme sonige Güggeläi e Basilisk wurd usschlüpfe. Dr Hänker het im Güggel dr Buuch ufgschnitte und no drei Äier gfunde. Er het en denn uf em Koolebärg verbrennt.[1]
Z Basel isch dr Basilisk zum erste Mol um 1448 as Schildhalter erschiine und mä cha in dr Stadt e Hufe Basiliskefigure in alle Variante finde.
Au uf alte Basler Münze chunnt s Basiliskemotiv vor[2].
1880 si z Baasel vier monumentali Basiliske vom Bildhauer Ferdinand Schlöth uf de Widerlaager vo dr nöije Wettstäibrugg ufgstellt worde. Wo mä d Brugg 1935 verbräiteret het, het mä sä müesse wäggnee. Äine von ene isch hüte in de Langen Erle.
Sit 1884 het mä doo und dört in dr Stadt Basiliske-Brünne ufgstellt, wo dr Brunnestock d Form vom ene Bailisk mit em Baaseler Wabbe uf em Buuch het.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.