![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/Wappen_Basel-Stadt_matt.svg/langals-640px-Wappen_Basel-Stadt_matt.svg.png&w=640&q=50)
Baselstaab
From Wikipedia, the free encyclopedia
As Baselstaab oder Baslerstaab wird dr Hirtestaab bzw. Bischofsstaab in de Wabbe vo Dörfer und Stedt in dr Regioon Basel bezäichnet.
Dialäkt: Baseldütsch |
![Thumb image](http://upload.wikimedia.org/wikipedia/commons/thumb/7/7d/Wappen_Basel-Stadt_matt.svg/320px-Wappen_Basel-Stadt_matt.svg.png)
![Thumb image](http://upload.wikimedia.org/wikipedia/commons/thumb/8/8e/Coat_of_arms_of_Kanton_Basel-Landschaft.svg/320px-Coat_of_arms_of_Kanton_Basel-Landschaft.svg.png)
![Thumb image](http://upload.wikimedia.org/wikipedia/commons/thumb/f/f0/Wappen_Jura_matt.svg/320px-Wappen_Jura_matt.svg.png)
So findet mä dr Bischofsstaab vom Fürstbischof zu Basel im Wabbe vo dr Stadt Basel und vo de Kantöön Basel-Stadt, Basel-Landschaft und Jura. Dr Baselstaab vo Basel-Stadt isch schwarz und dä vo Basel-Landschaft und vom Jura root.
Dr Staab isch e historischi Kuriosidäät: Bis zur Reformazioon isch dr Sitz vom Bischof vo Basel daatsächlig z Basel gsi (vo doo dr Naame Bistum Basel), denn e Zitlilang z Pruntrut und sit em 19. Joorhundert isch dr offizielli Sitz vom Bischof vo Basel z Soledurn. S Bistum häisst aber immer no Bistum Basel und d Kantöön Basel-Stadt und Basel-Landschaft häi dr Bischofsstaab im Wabbe bhalte drotz iirem reformierte Bekenntniss.