From Wikipedia, the free encyclopedia
Die aramääische Sprooche bilde e geneetischi Underäihäit vo de semitische Sprooche, wo e Zwiig vom Afroasiatische daarstelle. Aramääisch und Kanaanääisch (dodrzue ghöören z. B. Hebrääisch und Phöniizisch) si d Hauptzwiig vom Nordwestsemitische. D Drennig vom Aramääische vom Kanaanääische het in dr erste Helfti vom 2. Joorduusig v. d. Z. stattfunde. Alli aramääische Sprooche göön uf s Altaramääische zrugg, wo sit em Aafang vom ersten vorchristlige Joorduusig beläit isch.
Aramääisch (ארמית / Arāmîṯ / ܐܪܡܝܐ / Ārāmāyâ) | ||
---|---|---|
Verbreitig: | Syrien, Irak, Iran, Israel, Libanon, Türkei Usserdäm in dr aramääische Diaspora in Öiropa, Amerika und Austraalie | |
Sprecher: | öbbe 550'000[1] bis 850'000[2] (Muetersproochler vo nöiaramääische Sprooche)[3] | |
Linguistischi Klassifikation: |
| |
Offizieller Status | ||
Amtssprooch vo: | Föderazioon Nordsüürie – Rojava | |
Sproochchürzel | ||
ISO 639-1 |
—
|
Us de klassische aramääische Sprooche häi sich im Lauf vo de Joorhundert die öbbe sibzää nöiaramääischi Sproohe vo dr Geegewart entwigglet.[4] Die häi öbbe 550'000[1] bis 850.000[2] Sprächer, wo im Glaube nooch mäistens Juude, Christe oder Mandäer, sälte Muslim si.
Die ursprünglige Verbräitigsgebiet lige im Irak, Iran, Israel, em Libanon, Palestina, Sürie und dr Türkei; in dr autonoome kurdische Regioon Rojava in Süürie isch s äini vo de Amtssprooche. Dur Migrazioon (Flucht, Umsiidlig, Uswanderig) si Sprächer vo aramääische Sprooche zerst uf Russland choo, in jüngere Zit vor allem uf West- und Middelöiropa, Nord- und Südamerika und Austraalie.
Die wüsseschaftligi Undersuechig vo dere Sproochgrubbe wird vo dr Aramaistik gmacht.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.