From Wikipedia, the free encyclopedia
D Anna Rossinelli (* 20. April 1987 z Basel) isch e Schwyzer Sängeri un Liedschryberi. Si het d Schwiz am Eurovision Song Contest 2011 z Düsseldorf verträtte.
Ihri erschti Bühnenerfahrig het d Rossinelli im Alter vo 13 Johr gmacht. Ei Johr speter het si ihri erschti A-cappella-Band gründet, derno het si Uftritt mit verschidene wytere Bands gha, u. a. The Monotones und The Fabulous Tools. Speter het si d Jazzschuel an dr Musik-Akademi vo dr Stadt Basel absolviert, wo näbe Gsang, Musiktheori und Ghörbildig au Klavierunterricht zum Lehrplan ghört het. Aktuell isch d Rossinelli d Sängeri vom Pop-Soul-Trio Anna Rossinelli (bis 2011 Anne Claire).[1]
Näbe ihre musikalischen Uusbildig het d Anna Rossinelli au ne Uusbildig zur Pflegefachfrau in dr Behindertebetreuig gmacht. Derzue het si als Model für Unterwesch vum Label Tarzan gschafft.[2]
Für d Voruusscheidig vom Schwyzer Färnseh für dr Startplatz vo dr Schwyz am Eurovision Song Contest 2011 z Düsseldorf het sich d Anna Rossinelli mit dr Ballade In Love for a While (Text und Musik: David Klein) beworbe. Si het dr Gump in d Entscheidigsshow am 11. Dezämber 2010 z Chrüzlige gschafft, wo si sich gege elf Konkurrente durgsetzt het. Vor dr Show het si bi dr Experten als Ussesyteri gulte. In dr Sändig het si vo dr Jury aber di beschte Kritike übercho.[3]
Am 10. Mai 2011 isch si bim ESC z Düsseldorf im erschte Halbfinal aaträtte. Doderbi isch ere dr Yzug in dr Final am 14. Mai glunge. Dört sin d Rossinelli und ihri Band mit 19 Pünkt uf dr letschti Platz cho.
Albe
Single
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
