Dr Alfred J. Heizmann (* 4.Jänner 1949 z Wurmlinga; † 30. Oktober 2017 z Niderzell[1][2]) isch e dytsche Lehrer, Mundartdichter un Faasnetsredner gsii.
Religionslehrer
Dr Alfred Heizmann het zerscht as Boschtbott gschafft. Iber dr zweet Bildigswääg het er Religionspedagogik z Fryburg studiert un isch anne 1974 as kadolische Religionslehrer an d Wessenbergschuel Konschtanz im Konschtanzer Paradies chuu. Ab 1980 het er uf dr Insle Rychenau gläbt.[3] Är isch langjehrige Erschte Vorsitzer vu dr Mitarbaiterverdrättig (MAV) vu dr Religionslehrerne un Religionslehrer im Dienscht vu dr Erzdiözese Fryburg gsii. Dr Heizmann isch langi Johr Läkter am Konschtanzer Minschter un Mitglid vu Bfaargmairoot gsii. Uf dr Insle Rychenau het er si in chilchlige Projäkt un as Kommunionhälfer in St. Peter un Paul engaschiert, zletscht au fir Flichtling.[4]
Alemannische Faasneter
Dr Heizmann het as s wichtigscht Gsicht vu dr Konstanzer Fasnacht aus dem Konzil (Konschtanzer Färnsehfaasnet) gulte.[5] In syre aigene Aart isch er unter anderem as Määrliverzeller, „Bi-Ba-Butzemann“, Husmaischter, Pirat, Dorfschuellehrer, verhinderete Turischt un näärische Wiirt in dr schwebisch-alemannische Faasnet ufdrätte. Är isch Mitglid vu dr Naaregsellschaft Niderburg im Konschtanzer Viertel Niderburg un dert ab 1980 as Bittemereedner atkiv gsii.[4]
Autor un Mundartdiichter
Ab 1989 het er satirischi Bydreeg fir dr Siddytsch Rundfunk un ab 1998 fir dr Sidweschtrundfunk verfasst. Derzue het mer en au gchännt as Autor vu Lyrik, seealemannische Dialäktgedicht un Kabaretttäxt.[3][6] Är isch au e grfrogte Reedner un Referänt gsii.[4][7][8]
Privatlääbe
Dr Alfred Heizmann isch ghyroote gsii un het mit syre Frau Sonja zwai Chinder ghaa.[9]
Är het si fir Toleranz, Negschteliebi, Glychbhandlig un Friiden yygsetzt. Är het Humor un Karakter ghaa, isch e Rootgeeber gsii un het si fir anderi Mänschen yygsetzt.[10] Alfred Heizmann ich begrabe uf em Friedhof vu St. Peter und Paul in Reichenau-Niederzell.[11]
- Aber hallo!: Alfred Heizmann hintergründig und schelmisch, Stadler Verlag Konstanz 1996, ISBN 3-7977-0366-X
- Der Kern des Pudels. Heitere Enthüllungen., Stadler Verlag Konstanz 2001, ISBN 3-7977-0464-X
- Badnerglück & Schwabenstolz, Gälfiassler Records (Bogner Records) 2002 (CD)
- Unsere Fasnachts-Stars – Alfred Heizmann aus Konstanz. Gezeigt in: SWR/SR, 12. Januar 2021, 22:30-23:00 Uhr.
- Alfred Heizmann als Närrischer Wirt bei Konstanzer Fasnacht aus dem Konzil 2017, (Video Datei, 20:33 min)
- Alfred Heizmann - Der Bildungstest bei der Konstanzer Fernsehfastnacht 2014, (Video Datei, 15:11 min)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
