From Wikipedia, the free encyclopedia
Die nasionale vlag van Zimbabwe is op 18 April 1980 amptelik in gebruik geneem. Die vlag vertoon ’n wit driehoek teen die vlagpaal met ’n rooi vyfpuntige ster en die Voël van Zimbabwe, sewe ewe wye horisontale bane in (van bo na onder) groen, geel, rooi, swart, rooi, geel en groen is aan die wapperkant.
 |
|
| Gebruik | Nasionale vlag en vaandel  |
|---|---|
| Verhouding | 1:2 |
| Goedgekeur | 18 April 1980 |
| Ontwerp | ’n Wit driehoek teen die vlagpaal met ’n rooi ster en die Voël van Zimbabwe en sewe horisontale bane in groen, geel, rooi en swart aan die wapperkant. |
 |
|
| Bynaam | Lugmagvaandel |
| Verhouding | 1:2 |
| Ontwerp | ’n Ligblou vlag met die nasionale vlag in die skildhoek en ’n adelaar en die Voël van Zimbabwe op die wapperkant. |
Die Zimbabwiese vlag maak ook van die Pan-Afrika kleure gebruik. Die kleure het elk ’n eie betekenis: groen stel die landbou en die Zimbabwiese platteland voor, geel stel die land se rykdom aan minerale voor, rooi stel die bloed voor wat gevloei het in die stryd om die bevryding van die land, swart stel die erfenis en etnisiteit van die inheemse bevolking voor en wit stel vrede voor.[1]
Die kleure van die vlag van Zimbabwe kan ook teruggelei word na die kleure van die regerende party (ZANU–PF). Daar is nie sekerheid oor die ontwerper van die vlag nie. Dit blyk of die vlag deur ’n regeringskomitee, onder leiding van Richard Hove die vlag voorgestel het maar dat die oorspronklike ontwerp nie die ster of Voël van Zimbabwe as motief gehad het nie. ’n Vliegluitenant in die Rhodesiese Lugmag het blykbaar die uniekheid en geskiedenis van die simbole uitgelig aan die komitee en dit is in die vlag geïnkorporeer.[2]
Van 1890 tot 1892 is die vlag van die Verenigde Koninkryk ook gebruik as die vlag vir Zimbabwe. In 1982 is ’n gewysigde weergawe van die Union Jack met die kenteken van die British South Africa Company in die middel van die Jack aanvaar en was in gebruik tot 1923. Toe die land in 1923 as Suid-Rhodesië herdoop is, is weer ’n nuwe vlag aanvaar, hierdie keer ’n blou Britse vaandel met die wapenskild van Suid-Rhodesië op die wapperkant en die Union Jack in die skildhoek. In 1953, met die stigting van die Sentraal-Afrikaanse Federasie, is die vlag weer gewysig. Hierdie keer is ’n gekombineerde wapenskild van Suid-Rhodesië, Noord-Rhodesië en Njassaland op die wapperkant aangebring. Na Suid-Rhodesië se ontrekking uit die federasie in 1963, en die hernoeming van die land na Rhodesië, is die vlag weer aangepas. Die vorige wapenskild (dieselfde as die van Suid-Rhodesië) is teruggebring maar die kleur van die vlag is verander na lugmagblou.
In 1964 het Rhodesië weer ’n nuwe vlag gekry. Hierdie keer het dit gekom om saam met die land se onafhanklikheid van Brittanje te val. Hierdie vlag herinner sterk aan die vlag van Nigerië behalwe dat daar in die wit baan die landswapen van Rhodesië is. Met die aanvang van ’n nuwe politieke bedeling in Rhodesië in die laat 1970’s is die vlag weer verander, hierdie keer weer saam met die naam. Die land is herdoop na Zimbabwe-Rhodesië en die vlag het verander na ’n vierkleur met ’n swart vertikale baan (met die Voël van Zimbabwe in die skildhoek) aan die vlagpaalkant en drie horisontale bane in rooi, wit en groen aan die wapperkant. Die huidige vlag van Zimbabwe is in 1980 aanvaar.
Britse vlag, 1890 tot 1892
Vlag van die British South Africa Company, 1890 tot 1923.svg)
Vlag van Suid-Rhodesië, 1923 tot 1964.svg)
Vlag van die Sentraal-Afrikaanse Federasie, 1953 tot 1963.svg)
Vlag van Rhodesië, 1964 tot 1968.svg)
Vlag van Rhodesië, 1968 tot 1979
Vlag van Zimbabwe-Rhodesië, 1979.svg)
Vlag van die Eerste Minister van Rhodesië, 1970–1979.svg)
Vlag van die Eerste Minister van Zimbabwe-Rhodesië
Presidensiële vlag van Zimbabwe.svg)
Vlag van die Goewerneur van Suid-Rhodesië, 1924 tot 1951.svg)
Vlag van die Goewerneur van Suid-Rhodesië, 1951 tot 1952.svg)
Vlag van die Goewerneur van Suid-Rhodesië, 1952 tot 1970.svg)
Huisvlag van die Goewerneur van Suid-Rhodesië.svg)
Vlag van die Suid-Rhodesiese Lugmag, 1947 tot 1953.svg)
Vlag van die Rhodesiese Koninklike Lugmag, 1953 tot 1963.svg)
Vlag van die Rhodesiese Koninklike Lugmag, 1964 tot 1968.svg)
Vlag van die Rhodesiese Lugmag, 1970 tot 1979.svg)
Vlag van die Rhodesiese Lugmag, 1979 tot 1980
Blou vaandel van die British South Africa Company, 1890 tot 1923
Tot 1939 is die vlag van die Verenigde Koninkryk ook gebruik as die vlag vir Zambië. In 1939 is daar egter begin om van ’n blou Britse vaandel gebruik te maak waarop die Britse vlag in die skildhoek was en die wapenskild van Zambië op die wapperkant. In 1953 is die vaandel gewysig met ’n ander wapenskild op die wapperkant omdat Noord-Rhodesië saam met Njassaland in ’n Federasie getree het. Met die vergryging van onafhanklikheid in 1964 het Zambië ’n nuwe naam en vlag gekry en in 1996 is klein wysigings (die skakering van groen) aangebring.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
