Vlag van Marokko

Die nasionale vlag van Marokko is op 2 Maart 1961 amptelik in gebruik geneem. Die vlag vertoon ’n enkele rooi baan met ’n verweefde groen pentagram met swart fraiings in die middel van die vlag.

Vlag van Marokko

Vlag van Marokko
Gebruik	Nasionale vlag en Staatsvaandel
Verhouding	2:3
Goedgekeur	2 Maart 1956 (Huidige weergawe, oorspronklike gebruik sedert 1666)
Ontwerp	’n Rooi vlag met ’n groen pentagram in die middel.
Wisselvormvlag van Marokko
Gebruik	Burgerlike vaandel
Verhouding	2:3
Ontwerp	Die Marokkaanse vlag met ’n geel ster-en-kroon-motief in die skildhoek.
Wisselvormvlag van Marokko
Gebruik	Vlootvaandel
Verhouding	2:3
Ontwerp	Die Marokkaanse vlag met ’n geel ster-en-kroon-motief in elke hoek van die vlag.

Simboliek

Rooi is van aanmerklike historiese belang in Marokko. In Marokko stel die kleur die bloedverwantskap tussen die profeet Mohammed en die Koning voor. (Die koning dra die titel Bevelvoerder van die Gelowiges.) Rooi is ook die kleur wat deur die Sherifs van Mekka en die Imams van Jemen gebruik is. Vanaf die 17de eeu was die vlae van die land rooi. In 1915, gedurende die heerskappy van Mulay Yusuf, is die groen Seël van Salomo tot die nasionale vlag toegevoeg. Die pentagram op die Marokkaanse vlag verteenwoordig die verwantskap tussen God en die nasie.

Ontwerp

In die tyd van die Merinide- en Saadivorstehuise was die Marokkaanse vlag wit. Ongeveer in 1666 het die Alaouivorstehuis (wat vandag nog regeer) die vlag na rooi verander, waar rooi die simboliese kleur is van die afstammelinge van die profeet Mohammed. Die rooi vlag het so gebly tot in die tyd van die Franse protektoraat toe die rooi vlag verwarring gebring het met kommunisme.

Rachid Sbihi, ’n Marokkaanse historikus en muntkundige, sê dat die besluit toe geneem is om die rooi vlag te behou as simbool vir die Koninklike Majzen, terwyl die nasionale vlag ’n sespuntige groen ster in die middel sal hê. Dit het so gebly tot koninklike verordening van 1915 die ster verander het na ’n vyfpuntige ster.

Die sespuntige ster wat gebruik is op die Marokkaanse vlag staan ook bekend as die Seël van Salomo (Sulaïman in Arabies) of die Dawidster. Dit het geblyk dat die nuwe ster die beste aangepas was vir die land se geloof omdat die vyf punte van die ster die 5 standpunte van die Islamitiese geloof simboliseer.

Konstruksietekening

Kleure

Horisontale en vertikale vertonings

Die kleurskema word hieronder gelys:

	Rooi	Groen
RGB	193-39-45	0-98-51
Heksadesimaal	#c1272d	#006233
CMYK	0, 80, 77, 24	100, 0, 48, 62
Pantone	7620 C	3425 C

Ander vlae

Historiese vlae

• 
  Vlag van die Alaouitevorstehuis, 19de eeu
• 
  Vlag van Marokko (Alaouitevorstehuis), 1666 tot 1912
• 
  Vlag van die Rif-Republiek, 1921 tot 1926

Historiese koopvaardyvlae

• 
  Koopvaardyvlag van Frans-Marokko
• 
  Koopvaardyvlag van Spaans-Marokko
• 
  Koopvaardyvlag van die Internasionale sone van Tangier

Ander

• 
  Vlootgeus van Marokko
• 
  Lugmagrondeau
• 
  Koninklike vlag van Marokko
• 
  Koninklike standaard van Marokko

Sien ook

Vlae en wapensportaal

Eksterne skakels

Wikimedia Commons bevat media in verband met Vlae van Marokko.

• (en) Marokko by Flags of the World.
• (en) "Flag of Morocco". Encyclopædia Britannica. Besoek op 14 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.