USB

USB (afkorting vir Universele Seriële Bus of universele seriebus;^[1] Engels: Universal Serial Bus) is 'n standaard vir die aansluiting van randapparatuur op rekenaars. Dit vervang die stadiger parallelle en serie-poorte, hoofsaaklik omdat die spoed van data-oordrag met USB soveel groter is. Die standaard is deur Intel uitgevind en hulle het protokolweergawe 1.0 in 1996 bekendgestel. Met behulp van die gestandaardiseerde USB-poort kon vervaardigers produkte maak wat met beide die standaard persoonlike rekenaar en Apple Macintosh versoenbaar is. Behalwe randapparatuur vir rekenaars word verskillende tipes mikrobeheerders van 'n USB-poort voorsien, byvoorbeeld om hul toepassing binne rekenaars en ingebedde stelsels te vereenvoudig.

'n USB-prop

Hierdie artikel handel oor die rekenaarstamlyn. Sien USB (dubbelsinnig) vir ander gebruike.

'n Bykomende voordeel van USB is dat dit kragtoevoer aan die ingepropte randapparatuur kan verskaf. USB-toerusting kan ook gekoppel en ontkoppel word sonder om die rekenaar te herlaai.

FireWire is 'n alternatief vir USB. Dit is veral geskik is vir die koppeling van toerusting wat hoë bandwydte vereis, soos eksterne hardeskywe en videokameras.

Weergawegeskiedenis

Uitreiknaam	Uitreikdatum	Maksimum oordragkoers	Nota
USB 0.8	Desember 1994
USB 0.9	April 1995
USB 0.99	Augustus 1995
USB 1.0-RC	November 1995
USB 1.0	Januarie 1996	Vol Spoed (12 Mbis/s)
USB 1.1	Augustus 1998	Vol Spoed (12 Mbis/s)
USB 2.0	April 2000	Hoë spoed (480 Mbis/s)
USB 3.0	November 2008	Superspoed (5 Gbis/s)
USB 3.1	Julie 2013	Superspoed+ (10 Gbis/s)
USB 3.2	September 2017	Superspoed+ (20 Gbis/s)

Verbindingtipes

Vergelyking van USB-verbindings

Sien ook

• Rekenaarbus

Bronne

• Handwoordeboek van die Afrikaanse Taal, 6de uitgawe. Pearson. 2015. ISBN 978-1-77025-700-9.