Tsjernobog (die "swart god" of "god van die donker") is ’n bose god in die Slawiese mitologie. Hy bring ongeluk en is die vyand van Belobog (die "wit god" of "god van die lig").
Hy en Belobog is in ’n voortdurende stryd gewikkel. Op die dag-en-nag-ewening (op 21 Maart en 22 September wanneer dag en nag ewe lank is) is hulle gelykop. Ná die winter-dag-en-nag-ewening word die dae langer; dan wen Belobog. Ná die somer-dag-en-nag-ewening word die nagte langer; dan wen Tsjernobog.[1]
Daar word baie oor Tsjernobog bespiegel, maar min is werklik oor hom bekend. Daar word soms getwyfel oor hoe belangrik hy vir die antieke Slawiërs was. Die naam kom veral voor onder die Wes-Slawiese volke van die 12de eeu en daarom word betwyfel of hy ’n baie belangrike of ou godheid is.
Tsjernobog het in verskeie media sy verskyning gemaak. Hy kom as "Chernabog" voor in die Night on Bald Mountain-reeks in Disney se Fantasia (1940) en as ’n baas in Kingdom Hearts. In American Gods deur Neil Gaiman kom hy as "Czernobog" voor in die winter en word hy deur sy broer "Bielebog" vervang in die lente.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
