Tollens se reagens

Tollens se reagens is 'n reagens wat bestaan uit 'n waterige oplossing van die kompleks Ag(NH₃)+2-ione. Hierdie reagens vermag om aldehiede tot karboksielsure te oksideer, terwyl ketone nie aangetas word nie. Die toets word ook die silwerspieëltoets genoem omdat silwer op die wand van 'n reageerbuisie neerslaan en daar 'n spieëlende laag vorm.^[1]

Die buisie links het 'n silwerspieël

Die reagens word bereid deur eers silwernitraat met natriumhidroksied te laat reageer. Dit vorm silweroksied, omrede silverhidroksied nie stabiel is nie:

${\displaystyle 2Ag^{+}+2OH^{-}\to 2AgOH\to Ag_{2}O+2H_{2}O}$

Die Tollensreaksie van asetaldehied, met die oksidasietoestande van die koolstofatome

Byvoeging van ammonia laat die silwer weer in oplossing gaan. Die gevormde oplossing is 'n sterke basis:

${\displaystyle Ag_{2}O+4NH_{3}+H_{2}O\to 2Ag(NH_{3})_{2}^{+}+2OH^{-}}$

'n Aldehied soos asetaldehied kan deur hierdie reagens tot asynsuur geoksideer word:

CH₃CHO + 2Ag(NH₃)+2 + 2OH⁻ → CH₃COOH + 2Ag↓ + H₂O + 2NH₃

Verwysings

1. "chem pal" (in Engels). Geargiveer vanaf die oorspronklike op 31 Oktober 2019. Besoek op 7 Februarie 2017.