From Wikipedia, the free encyclopedia
'n Proefskrif, verhandeling, tesis of dissertasie is 'n dokument wat ter ondersteuning van 'n akademiese graad of professionele kwalifikasie geskryf word. Dit bied die skrywer se navorsing en bevindings aan.[1] Die woord "tesis" kom van die Griekse θέσις, wat "posisie" beteken en na 'n intellektuele formulering (proposisie) verwys.
'n Magistertesis of meestersverhandeling is 'n proefskrif of navorsingsverslag wat vir die verwerwing van 'n meestersgraad aan 'n universiteit voorberei word. So 'n proefskrif is gewoonlik van 'n bepaalde lengte (tipies tussen 40 000 en 50 000 woorde) en moet bewys dat die kandidaat die bepaalde onderwerp bemeester het. Dit hanteer ’n verdedigbare argument wat nie noodwendig ’n oorspronklike bydrae is nie. ’n Mondelinge eksamen word ook soms vereis voordat 'n meestersgraad toegestaan word.
'n Doktorale verhandeling is 'n proefskrif of navorsingsverslag wat vir die verwerwing van 'n doktorsgraad voorberei en aan 'n universiteit se senaat voorgelê word. So 'n proefskrif is gewoonlik van 'n bepaalde lengte (normaalweg tussen 70 000 en 90 000 woorde) en moet toon dat die kandidaat ’n bepaalde bydrae tot die verryking van kennis op die gekose gebied, met blyke van onafhanklike kritiese oordeelsvermoë, gelewer het. Verder moet die proefskrif ’n oorspronklike bydrae bevat ten opsigte van die gekose studieveld wat van so ’n gehalte is dat dit in ’n geskikte vaktydskrif of boek gepubliseer kan word. ’n Mondelinge eksamen (of openbare verdediging) word ook soms vereis voordat 'n doktorsgraad toegestaan word.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
