Philippe Noiret

Philippe Pierre Fernand Noiret (Lille, 1 Oktober 1930 - Parys, 23 November 2006) was een van die gewildste Franse akteurs. Hy was aanvanklik 'n toneelspeler en het later rolle in sowat 150 rolprente vertolk. Hy het saam met die meeste van Frankryk se beduidenste akteurs opgetree en veral saamgewerk met die Franse regisseur Bertrand Tavernier.

Philippe Noiret
Philippe Noiret in 2003.
Geboorte	1 Oktober 1930 Lille
Sterfte	23 November 2006 Parys
Nasionaliteit	Frans
Beroep(e)	Akteur
Internet-rolprentdatabasis-profiel

Loopbaan

Noiret, wat in Toulouse opgegroei het, was die seun van 'n klein tekstielhandelaar met 'n passie vir literatuur en poësie.

Die eerste stappe in die rigting van onafhanklikheid was baie moeilik vir hom. Hy het drie keer nie die Franse baccalauréat-eksamen (matriek) geslaag nie. In 1949 het hy sy eerste rol in die verfilming van Colette se kortroman Gigi vertolk. Een jaar later het hy sy toneelopleiding by Roger Blin by die Centre Dramatique de l'Ouest in Parys begin.

In 1953 het hy deur bemiddeling van Jean-Pierre Darras 'n lid van Jean Vilar se toneelgroep by die Paryse Théâtre populaire national geword, waar hy sewe jaar lank opgetree het. In hierdie tydperk het hy saam met Darras ook as vermaakkunstenaar en komediant in 'n Paryse nagklub opgetree. By die teater het ook sy toekomstige eggenote, die aktrise Monique Chaumette, ontmoet en in 1962 met haar getrou.

Noiret het in 1968 bekendheid verwerf met sy hoofrol in die rolprent Alexandre le bienheureux ("Alexandre. die lewenskunstenaar"), wat die oorgrote rol van persoonlike en ekonomiese prestasies in die destydse maatskappy bevraagteken het.

Noiret het sy indrukwekkendste rolle in Louis Malle se Zazie (1960), La grande bouffe (1973) en Cinéma Paradiso (1988) vertolk. Sy grootste prestasie as 'n akteur was sy veelsydigheid. Hy het dikwels die rolle van boosdoeners - en hier veral persone met baie skakerings - vertolk. Die karakterrolle, wat hy gevul het, was dikwels deur 'n ironiese ondertoon gekenmerk.

Vanweë sy eerder gemiddelde aansienlikheid is hy aanvanklik nie genooi om romantiese rolle te vertolk nie, maar het dikwels as 'n goedmoedige karakter opgetree. Eers ná sy rol in die farce La grande bouffe is hy genader om komplekse karakters te vertolk.

Philippe Noiret word oorleef deur sy vrou, Monique Chaumette, wat soms saam met hom opgetree het, en sy dogter Frédérique. Hy is op 23 November 2006 ná 'n lang en verbete stryd teen kanker in sy huis in Parys oorlede.

Filmografie (uittreksels)

Titel	Jaar	Notas
Gigi	1948
Olivia	1950
Agence matrimoniale (rolprent)	1952
La Pointe courte	1956	Staan ook bekend as The Short Point, met Agnès Varda
Zazie dans le métro	1960	Staan ook bekend as Zazie in the Metro of Zazie, regisseur: Louis Malle
Le Capitaine Fracasse	1961
Comme un poisson dans l'eau	1962
Les Copains	1964
La Vie de château	1965
Tendre voyou	1966
Alexandre le bienheureux	1967
Topaz	1969	L'Étau, deur Alfred Hitchcock met Claude Jade en Michel Piccoli
Clérambard	1969	Het die rol van Hector de Clérambard vertolk
Mr. Freedom	1969
La Mandarine	1971
La Grande Bouffe	1973	Het die rol van Philippe vertolk
Amici Miei	1975
Une Femme à sa Fenêtre	1976
Le Témoin	1978
L'étoile du nord	1982
Amici Miei, Atto II	1982
Coup de Torchon	1981
Souvenirs souvenirs	1984
Les Ripoux	1984
L'Eté prochain	1985
La Famille	1986
Masques	1987
Ripoux contre ripoux	1989
Nuovo Cinema Paradiso	1989
J'embrasse pas	1991
Tango	1992
Il Postino	1994	Met Maria Grazia Cucinotta en Massimo Troisi
Max et Jérémie
La Fille de d'Artagnan	1994	Met Bertrand Tavernier
Marianna Ucria
Soleil	1997	Met Sophia Loren
Le Pique-nique de Lulu Kreutz	1999
Les Côtelettes	2002
Père et fils	2002