From Wikipedia, the free encyclopedia
Paul Ernst (volle name Paul Karl Friedrich Ernst, gebore op 7 Maart 1866, Elbingerode, Sakse, Duitsland, sterf op 13 Mei 1933, Sankt Georgen, Oostenryk) was ‘n Duitse skrywer wat veral bekend is om sy kortverhale en vir sy essays op filosofiese, ekonomiese en literêre probleme.
Ernst het vir die priesterskap studeer, maar het egter gou ontnugter geraak met teologie. Hy het ‘n militante Marxis, en die redakteur van die Berliner Volkstribüne, geword. Teen die draai van die eeu het hy egter sy Marxistiese bande herroep en die doktrine gerupidiëer in “Der Zusammenbruch des Marxismus” (1919; ‘Die Verval van Marxisme’). Hy het reeds vantevore sy antagonisme teenoor naturalisme in kuns uitgedruk, en ‘n beroep op die terugkeer na klassisisme in sy essay “Der Weg zur Form” (1906; ‘Die Weg na Vorm’) gemaak. Sy soeke na ewigdurende waarhede het hom deur die Duitse idealistiese filosofie teruggeneem na ‘n vorm van Christenskap wat hy gedramatiseer het in wat hy verlossings-drama genoem het, en wat die beste deur Ariadne auf Naxos (1912) gekarakteriseer word.
Alhoewel Ernst geglo het dat sy grootste literêre bydrae in die teater was, het hy deur sy romans gewild geword, maar slegs vir sy kortverhale kritiese lof ontvang. Die outobiografiese roman “Der schmale Weg zum Glück” (1904; ‘Die Smal Weg na Geluk’) het deur meer as tien uitgawes gegaan, en “Jugenderinnerungen” (1930; ‘Jeugherinneringe’) en “Grün aus Trümmern”, (1933) wat deur folkloristiese elemente geïnspireer is, was byna net so gewild. Sy bekendste versameling kortverhale is “Komödianten- und Spitzbubengeschichten” (1927; ‘Verhale van Komediante en Skurke’). “Erdachte Gespräche” (1921; ‘Verbeelde Gesprekke’) is sy bekendste essay-versameling.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
