From Wikipedia, the free encyclopedia
Paul-Henri Spaak (25 Januarie 1899, Schaerbeek – 31 Julie 1972, Brussel) was 'n Belgiese staatsman wat 'n groot rol in die Europese eenwording gespeel het.
| Paul-Henri Spaak | |
 Paul-Henri Spaak in 1957 | |
31ste Eerste Minister van België | |
| Ampstermyn 20 Maart 1947 – 11 Augustus 1949 | |
| Monarg | Karel |
|---|---|
| Voorafgegaan deur | Camille Huysmans |
| Opgevolg deur | Gaston Eyskens |
| Ampstermyn 13 Maart 1946 – 31 Maart 1946 | |
| Monarg | Karel |
| Voorafgegaan deur | Achille Van Acker |
| Opgevolg deur | Achille Van Acker |
| Ampstermyn 15 Mei 1938 – 22 Februarie 1939 | |
| Monarg | Leopold III |
| Voorafgegaan deur | Paul-Émile Janson |
| Opgevolg deur | Hubert Pierlot |
2de Sekretaris-generaal van die Noord-Atlantiese Verdragsorganisasie | |
| Ampstermyn 16 Mei 1957 – 21 April 1961 | |
| Voorafgegaan deur | Hastings Ismay |
| Opgevolg deur | Dirk Stikker |
President van die Algemene Vergadering van die Europese Gemeenskap vir Steenkool en Staal | |
| Ampstermyn 23 Julie 1952 – 1 Januarie 1954 | |
| Voorafgegaan deur | Nuwe amp |
| Opgevolg deur | Alcide De Gasperi |
President van die Algemene Vergadering van die Verenigde Nasies | |
| Ampstermyn 31 Maart 1946 – 20 Maart 1947 | |
| Voorafgegaan deur | Nuwe amp |
| Opgevolg deur | Oswaldo Aranha |
Persoonlike besonderhede | |
| Gebore | Paul-Henri Charles Spaak 25 Januarie 1899 Schaarbeek, België |
| Sterf | 31 Julie 1972 (op 73) Braine-l'Alleud, België |
| Politieke party | Belgiese Werkersparty elgiese Sosialistiese Party |
| Alma mater | Universiteit van Brussel |
Hy lieg oor sy leeftyd om aan die Eerste Wêreldoorlog deel te kan neem, maar hy word gevange geneem en word 'n krygsgevangene van die Duitsers. Ná die oorlog studeer hy regte aan die Université libre de Bruxelles en verdedig talle Kommuniste. Hy word lid van die Sosialistiese Party in 1920 en parlementslid in 1932. In die kabinet van Paul Van Zeeland word hy minister van Vervoer (1935) en Buitelandse sake (1936). Hy word eerste minister in 1938.
Tydens die Tweede Wêreldoorlog is hy in ballingskap in Engeland en hy word daar minister van buitelandse sake in die Belgiese regering in ballingskap. Hy stig saam met ander regerings in ballingskap die Benelux.[1] Eerste probeer hy ook om Frankryk daarin te betrek, maar die Franse wil dat die Britte ook meedoen, wat hulle weier. Op 21 Oktober 1943 word die Benelux-verdrag tussen Nederland, België en Luxemburg geteken. Die tolooreenkoms volg op 5 September 1944.[2]
In 1944 keer Spaak terug na Brussel. In 1945 word hy die eerste voorsitter van die eerste sitting van die Algemene Vergadering van die Verenigde Nasies.
Hy word ook die eerste voorsitter van die Parlementêre Assemblee van die Europese Gemeeskap vir Steenkool en Staal, wat later die Europese Parlement sal word.
Spaak was 'n groot proponent van Europese integrasie. Hy stel, met steun van die Benelux, in 1955 op die Konferensie van Messina voor om die Steenkool en Staal-gemeenskap aan te vul met 'n gemeenskaplike mark, 'n geïntegreerde transportstelsel en 'n gemeenskap vir kernenergie. Dit word in 1958 verwesenlik in die EEG en Euratom. Hy onderteken hierdie Verdrag van Rome vir België.[3]
Van 1953 tot 1957 het hy ook burgemeester van Sint-Gillis gewees.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
