Die Outeniekwaberge is 'n bergmassief in Suid-Afrika in die Kaapse Plooigordel. Die bergreeks strek ongeveer 100 km vanaf die Keurboomsvallei in die ooste tot noord van Mosselbaai in die weste. Die bergereeks is suid van die Swartberg, ewewydig aan die kus op 'n afstand wat wissel tussen 15 en 35 km. Die Outeniekwaberge vorm die middelste deel van 'n bergreeks langs die Indiese Oseaan met die Tsitsikammaberge aan die oostekant en die Langeberg aan die westekant. Die reeks begin by die Gouritsrivier en eindig by die Prins Alfredpas. Die N12 is die enigste nasionale pad wat die Outeniekwaberge kruis.
![Thumb](http://upload.wikimedia.org/wikipedia/commons/thumb/d/d6/Outeniqua_pano.jpg/640px-Outeniqua_pano.jpg)
![Thumb](http://upload.wikimedia.org/wikipedia/commons/thumb/d/d0/Outeniqua_Pass02.jpg/640px-Outeniqua_Pass02.jpg)
Cradockpiek (1 583 m) is die hoogste punt van die Outeniekwaberge. Net agter die dorp George lê Georgepiek (1 327m) en Van Dalenspiek. Die droë vallei tussen die Outeniekwaberge en die Swartberg staan bekend as die Klein-Karoo. Deur 'n poort in die berge by Herbertsdale kom die Gouritsrivier die kusstreek binne om by die strandoord Gouritsriviermond in die see te loop. Tussen die berge en die kus lê die Tuinroete.
Denneplantasies is op die laer hellings van verskeie dele aangeplant. Die Outeniekwa- en die Robinsonpas verbind die kusstreek met die agterliggende binneland. Die Montagupas, wat George met die Klein-Karoo verbind is een van die oudste passe in die Outeniekwaberge. Vanaf die Outeniekwapas kan 'n reeks wit klippe gesien word in die vallei. Dit dui die roete van die Cradockpas aan, die oudste pas wat George met die binneland verbind het, en in onbruik geraak het nadat die Montagupas voltooi is.
Outeniekwa is 'n woord wat stam uit die Khoi-tale en volgens oorlewering beteken dit "man belaai met heuning".
Sien ook
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.