Ortaköy
From Wikipedia, the free encyclopedia
Ortaköy (letterlik "Middeldorp" in Turks) is ’n buurt in die Beşiktaş-distrik van Istanboel, Turkye. Dit is aan die Europese oewer van die Bosporus geleë.
Ortaköy was ’n kosmopolitiese gebied tydens die tydperk van die Ottomaanse Ryk en die eerste dekades van die Republiek van Turkye, met Turke, Grieke, Armeniërs en Jode wat daar gewoon het. Daar is steeds aanbiddingsplekke van baie verskillende gelowe soos Moslems, Joods, Oosters-Ortodoks en ander Christelike kerke.
Die Ortaköy-moskee in ’n neobarok-styl lê ook in dié buurt aan die oewer van die Bosporus en skep ’n mooi prentjie vanaf die bote op die seestraat, met die Bosporus-brug daaragter. Dit is oorspronklik in die 18de eeu gebou. In die 19de eeu het sultan Abdülmecid I die huidige moskee laat bou.
Ortaköy het ’n belangrike plek beklee in die daaglikse lewe tydens die Bisantynse en die Ottomaanse tydperk. In die 16de eeu het sultan Süleyman die Manjifieke Turke aangemoedig om in Ortaköy te gaan woon, en dit was die begin van die Turkse teenwoordigheid in die buurt. Een van die oudste geboue is die Turkse bad wat in 1556 deur die bekende Ottomaanse argitek Mimar Sinan gebou is.
Later het Ortaköy se kosmopolitiese bevolking begin verdwyn en vandag is daar min nie-Moslems oor.
 |
Wikimedia Commons bevat media in verband met Ortaköy. |
- Ortaköy-portaal (Turks)[dooie skakel]
- Foto's
- İstanbul 2010: European Capital of Culture – Ortaköy Geargiveer 13 Junie 2009 op Wayback Machine
- Panoramiese foto's
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
