Oos-Mebon
From Wikipedia, the free encyclopedia
From Wikipedia, the free encyclopedia
Die Oos-Mebon (Khmer: ប្រាសាទមេបុណ្យខាងកើត) is ’n 10de-eeuse tempel in Angkor, Kambodja. Dit is tydens die bewind van koning Rajendravarman gebou en staan op ’n kunsmatige eiland in die middel van die nou droë Oos-Baray.[1]:73–75[2]:116
Die Oos-Mebon was gewy aan die Hindoegod Shiva en is gebou ter ere van die koning se ouers. Die ligging van die tempel dui op die Khmer-argitektuur se aandag aan oriëntasie en windrigtings. Dit is gebou op ’n as van noord na suid met Rajendravarman se hooftempel, Pre Rup, sowat 1 200 m suid daarvan net buite die baray. Dit lê ook op ’n oos-wes-as met die paleistempel Phimeanakas, nog een van Rajendravarman se projekte, sowat 6 800 m wes daarvan.
Dit het dieselfde styl as Pre Rup; dit het twee omringende mure en drie vlakke. Die boumateriaal sluit in sandsteen, stene, lateriet en pleisterkalk. Heel bo is ’n sentrale toring op ’n vierkantige platform wat omring word deur vier kleiner torings by die platform se hoeke.
Die beelde by die Oos-Mebon is uiteenlopend en besonders – dit sluit olifante van twee meter hoog by hoeke van die eerste en tweede vlak in. Godsdienstonele sluit in die god Indra op sy olifant met drie koppe, Airavata, en Shiva op sy ryding, die heilige bul Nandi.
Besoekers wat van die boonste vlak af uitkyk, kan hulle die uitgestrekte waters voorstel wat die tempel voorheen omring het. Vier landingsplekke op die grondvlak herinner daaraan dat die tempel eens met bote bereik is.
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
