Oos-Londenlughawe
From Wikipedia, the free encyclopedia
Die Oos-Londenlughawe (IATA: ELS, ICAO: FAEL) is 'n lughawe wat Oos-Londen, 'n stad in die Oos-Kaap, bedien. Op 23 Februarie 2021 is die lughawe na Koning Phalo Internasionale Lughawe hernoem.[3]
| Oos-Londenlughawe Koning Phalo Internasionale Lughawe | |||
|---|---|---|---|
 | |||
| IATA: ELS – ICAO: FAEL | |||
| Opsomming | |||
| Tipe lughawe | Openbaar | ||
| Bedien | Oos-Londen, Suid-Afrika | ||
| Hoogte bo seevlak | 436 vt / 133 m | ||
| Koördinate | 33°2′6″S 27°49′17″O | ||
| Webtuiste | |||
| Landkaart | |||
  FAEL Ligging van die lughawe in die Oos-Kaap | |||
| Aanloopbane | |||
| Rigting | Lengte | Oppervlak | |
| m | vt | ||
| 11/29 | 1 939 | 6 362 | Teer |
| 06/24 | 1 585 | 5 200 | Teer |
| Bronne: South African Aeronautical Information Publication [1] DAFIF[2] | |||
Oos-Londen is 'n klein maar besige lughawe wat 'n belangrike rol in die ekonomiese groei van die Oos-Kaap speel. Elke dag verwelkom dit tussen 20 en 30 vlugte – wat jaarliks 346 000 mense na Oos-Londen bring. Hiervan is meer as 140 000 vakansiegangers, meestal plaaslik, en sowat 15% is buitelandse toeriste. In 2013 het die lughawe 658 363 passasiers hanteer.
Die lughawe het in 1927 ontstaan, toe lt-kol. Alistair Miller die Oos-Londense stadsraad om hulp genader het om 'n munisipale lughawe by Woodbrook, wes van die stad, op te rig.
Passasiervlugte is deur twee De Havilland Moth vliegtuie onderneem op 'n Saterdagmiddag en heeldag op Sondae, indien die weer dit toegelaat het. Vlugte kon ook bespreek word vir weeksdae, maar slegs met spesiale reëlings. In 1931 het 'n vlug van Windhoek in Namibië na Oos-Londen 11 uur geduur.
In 1944 is 'n nuwe lughawe op Collondale gebou, ongeveer 2 km wes van die huidige terminaalgebou.
In 1965 het die lughawe weer geskuif, dié keer na sy huidige perseel, 9 km wes van die middestad. Konstruksie van die terminaalgebou is in 1966 voltooi en die lughawe is vernoem na Ben Schoeman, die minister van vervoer van daardie tyd.
Die lughawe is herdoop in 1994. Sedertdien is groot veranderings aan die eindpuntgebou voltooi en 'n nuwe eerste verdieping kantoorontwikkeling is vir die lughawe se bestuurspan bygevoeg.
Die lughawe lê 133 meter (435 voet) bo seevlak[1] en het twee geteerde aanloopbane, by name 11/29 wat 1 939 meter lank en 46 meter breed is, en 06/24 wat 1 585 meter lank en 46 meter breed is.[1]
Passasiers
- Airlink verbind die lughawe met Johannesburg-O.R. Tambo
- British Airways met Johannesburg-O.R. Tambo, Kaapstad en Durban-Koning Shaka.[4]
- FlySafair met Kaapstad, Durban-Koning Shaka,[5] en Johannesburg-O.R. Tambo
Vrag
- BidAir Cargo[6] Johannesburg-O.R. Tambo
| Jaar | Passasiers | % verskil |
|---|---|---|
| 2006 | 664 824 |  19,2% |
| 2007 | 744 949 | 12,1% |
| 2008 | 715 206 |  4,0% |
| 2009 | 675 980 | 5,5% |
| 2010 | 671 895 | 0,6% |
| 2011 | 681 741 | 1,5% |
| 2012 | 663 115 | 2,7% |
| 2013 | 658 363 | 0,7% |
| 2014 | 642 085 | 2,5% |
| 2015 | 678 989 | 5,7% |
| 2016 | 806 437 | 18,8% |
| 2017 | 804 741 | 0,2% |
- Op 13 Maart 1967 het die Suid-Afrikaanse Lugdiens se Vlug 406 (die Rietbok) in die see neergestort terwyl dit Oos-Londenlughawe genader het. Al 25 die passasiers en bemanning aanboord het omgekom.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
