Natal (kolonie)

Natal (Engels: Colony of Natal) was 'n Britse kolonie in Suider-Afrika. Dit is op 4 Mei 1843 'n Britse kolonie verklaar nadat die Britse regering die Boererepubliek Natalia geannekseer het. Die kolonie is op 31 Mei 1910 saam met drie ander kolonies verbind om die Unie van Suid-Afrika te vorm. Die ou kolonie maak vandag deel uit van die Suid-Afrikaanse provinsie KwaZulu-Natal.

Detail van 'n skildery wat die Slag van Rorke's Drift uitbeeld tydens die Anglo-Zoeloeoorlog, 11 Januarie – 4 Julie 1879

Colony of Natal
Natalkolonie

← ← 1843–1910 →
Vlag Wapen
Volkslied: God Save the King (1901–1910) God Save the Queen (1843–1901)
Ligging of Natalkolonie Ligging van die Natalkolonie tussen 1843 en 1910
Hoofstad	Pietermaritzburg 29°35′S 30°25′O
Taal/Tale	Afrikaans, Engels, Zoeloe
Godsdiens	Nederduitse Gereformeerde Kerkfamilie, Anglikaanse Kerk, Hindoeïsme, Presbiteriaanse Kerk, Rooms-Katolieke Kerk
Regering	Monargie
Monarg
- 1843–1901	Victoria
- 1901–1910	Edward VII
- 1910	George V
Eerste minister
- 1893–1897	John Robinson
- 1906–1910	Frederick Robert Moor
Luitenant-goewerneur
- 1845–1849	Martin West
- 1910	Paul Methuen
Historiese tydperk	Wedloop om Afrika
- Stigting van die Natalkolonie	4 Mei 1843
- Verowering van die Natalia Republiek	12 Mei 1843
- Zoeloe-koninkryk geannekseer	1897
- Stigting van die Unie van Suid-Afrika	31 Mei 1910
- Stigting van die Natalprovinsie	31 Mei 1910
Oppervlakte
- 1904[1]	91 610 km2 35 371 sq mi
Bevolking
- 1904[2] skatting	1 108 754
Digtheid	12,1 /km²  31,3 /sq mi
Geldeenheid	Pond sterling

Natal was oorspronklik net die helfte van die grootte van die huidige provinsie, met die noordoostelike grense wat deur die Tugela- en Buffelsriviere gevorm is en waarbuite die onafhanklike Zoeloe-koninkryk (of Wene wa Zulu in Zoeloe) gelê het. Die huidige provinsie is ook vergroot met die toevoeging van Griekwaland-Oos aan die suide.

Hewige konflik met die Zoeloe-bevolking het tot die ontruiming van Durban gelei, en uiteindelik het die Boere die Britse anneksering in 1844 weens militêre druk aanvaar. 'n Britse goewerneur is vir die streek aangestel en menige setlaars het daarheen uit die Kaapkolonie en Europa geëmigreer.

Die Britte het 'n suikerrietbedryf in die 1860's gestig. Plaaseienaars het dit moeilik gevind om die Zoeloe-arbeiders te lok om in die plantasies te werk; gevolglik het die Britte duisende gekontrakteerde arbeiders uit Indië met vyfjaar-termyne na Natal gebring. As 'n gevolg van die aankoms van Indiese arbeid het Durban tot die grootste Asiaties-Suid-Afrikaanse gemeenskap gegroei. Durban en omstreke is ook bekend om tans die grootste Indiërgemeenskap buite Indië te huisves.

Eerste ministers

#	Naam	Party	Ampsaanvaarding	Amp verlaat
1	John Robinson	Onafhanklik	10 Oktober 1893	14 Februarie 1897
2	Harry Escombe	Onafhanklik	15 Februarie 1897	4 Oktober 1897
3	Henry Binns	Onafhanklik	5 Oktober 1897	8 Junie 1899
4	Albert Henry Hime	Onafhanklik	9 Junie 1899	17 Augustus 1903
5	George Morris Sutton	Onafhanklik	18 Augustus 1903	16 Mei 1905
6	Charles John Smythe	Onafhanklik	16 Mei 1905	28 November 1906
7	Frederick Robert Moor	Onafhanklik	28 November 1906	28 April 1910

Demografie

Rasverdeling

Bevolkingsgetalle volgens die 1904-sensus:^[3]

Bevolkingsgroep	Getal	Persent (%)
Swartes	904 041	81,53
Asiërs	100 918	9,10
Blankes	97 109	8,75
Kleurlinge	6 686	0,60
Totaal	1 108 754	100,00

Bibliografie

• Leverton, B.J.T.: The European settlement of Natal. In: Lantern. Tydskrif vir Kennis en Kultuur. Jaargang 19, nr. 3, Maart 1970

Verwysings

1. (en) "Census of the British empire. 1901". Openlibrary.org. 1906. p. 161. Besoek op 30 September 2014.
2. (en) "Census of the British empire. 1901". Openlibrary.org. 1906. p. 161. Besoek op 30 September 2014.
3. (en) Smuts I: The Sanguine Years 1870–1919, W.K. Hancock, Cambridge University Press, 1962, bl. 219