Miriam Phoebe de Vos

Miriam Phoebe de Vos (26 November 1912, Zastron - 2005, Stellenbosch) was 'n vooraanstaande Suid-Afrikaanse plantkundige en akademikus.^[1] Sy was 'n kenner van bolgewasse, veral Romulea. Sy het ook 'n spesiale belangstelling getoon in Moraea en Clivia.

Romulea bulbocodium

Miriam Phoebe de Vos
Gebore	26 November 1912 Zastron, Oranje-Vrystaat
Oorlede	2005 Stellenbosch
Vakgebied	Plantkunde
Instelling(s)	Suid-Afrikaanse Nasionale Biodiversiteitsinstituut
Alma mater	Universiteit Stellenbosch Universiteit van Kaapstad
Bekend vir	Plantkunde, Romulea

Loopbaan

Sy het aan die Universiteit van Stellenbosch studeer en haar BSc (cum laude) en MSc (cum laude) behaal. Sy het vanaf 1939 'n juniorlektorspos aan die Universiteit van Kaapstad beklee.^[2]

Moraea viscaria

Sy het haar DSc in plantkunde in 1940 aan die Universiteit van Stellenbosch behaal met die proefskrif "A cytological study on South African genera of the Aizoaceae and the Proteacea" (" 'n Sitologiese studie oor die Suid-Afrikaanse genera van die Aizoaceae en Proteacea").^[3] In 1941 het sy by die Departement Plantkunde aan die Universiteit van Stellenbosch aangesluit. Sy het lesings gegee in sitologie, embriologie, anatomie en biosistematiek.^[2] Haar belangrikste belangstellings was sitotaksonomie en embriologie, veral van Iridaceae.^[3]

Clivia miniata

Die sitologie van die Proteaceae en die Aizoaceae asook die embriologie van verskeie genera was haar eerste navorsingsbydraes, gevolg deur die taksonomie van Iridaceae. In 1972 het die Joernaal van Suid-Afrikaanse Plantkunde haar morfologie en taksonomie van die genus Romulea gepubliseer. Romulea elliptica M.P. de Vos is in 1972 geïdentifiseer en teen 1980 het dit 'n kwesbare spesie geword. In 2012 was dit 'n bedreigde spesie.^[4]

Sy het in 1977 afgetree en daarna nege wetenskaplike referate gepubliseer (uit 'n totaal van 37). Dit sluit in hersienings van Chasmanthe, Crocosmia, Ixia en Tritonia. Sy het ook gehelp met die samestelling van Flora van Namakwaland.^[2]

Toekennings

• Koningin Victoria Stipendium (1935)^[2]
• Carnegie beurs (1959)
• Havengaprys vir Biologie (1974)

Eponieme

• Die genus Devia in die Iridaceae is in 1990 deur die Suid-Afrikaanse plantkundiges Peter Goldblatt en John Manning na haar vernoem.^[5][6]
• In 1975 het de Vos die genus Duthiastrum in die Iridacea ter ere van Augusta Duthie in die Suid-Afrikaanse Biografiese Woordeboek gepubliseer.^[2]
• In 1988 het sy Ixia frederickii in die Suid-Afrikaanse Biografiese Woordeboek ter ere van Frederick W. Duckitt gepubliseer.^[2]

Die standaardskrywerafkorting M.P.de Vos word gebruik om haar as die skrywer aan te dui wanneer 'n botaniese naam aangehaal word.

Geselekteerde publikasies

• (en) Goldblatt, P.; de Vos, M.P. (1989). "The reduction of Oenostachys, Homoglossum and Anomalesia, putative sunbird pollinated genera, in Gladiolus L. (Iridaceae-Ixioideae)". Bulletin du Muséum National d'Histoire Naturelle. Bulletin du Muséum National d'Histoire Naturelle Section B,Adansonia, botanique, phytochimie. 11 (4): 417–428. Besoek op 8 Maart 2019.
• (en) M.P. de Vos; P. Goldblatt; G. Germishuizen; A.A. Obermeyer (1983). Flora of Southern Africa : which deals with the territories of South Africa, Ciskei, Transkei, Lesotho, Swaziland, Bophuthatswana, South West Africa/Namibia, Botswana and Venda. Pretoria: National Botanical Institute. Besoek op 11 Maart 2019.
• de Vos, M.P. (1952). Nuwe en minder bekende Romulea-species van die Roggeveld (Boek) (in Afrikaans en Nederlands). Cape Town: Nasionale Pers, Beperk. Besoek op 11 Maart 2019.
• de Vos, Miriam (1949). Die lewe van nie-groen plante (in Engels, Afrikaans, en Duits). Bloemfontein: Nasionale Pers, Beperk. Besoek op 11 Maart 2019.

Sien ook

• Lys van botaniste volgens outeursafkorting

Verwysings

1. (en) "HUH - databases - botanist search". Harvard University Herbaria & Libraries. Harvard University. Besoek op 8 Maart 2019.
2. (en) "Dedication: M.P. de Vos M.Sc. (Stell.) D.Sc. (Stell.)" (PDF). South African Journal of Botany. 58 (1). 1992. Besoek op 8 Maart 2019.
3. de Vos, Miriam Phoebe (1940). "A cytological study on South African genera of the Aizoaceae and the Proteaceae". SUNScholar Research Repository (in Engels). University of Stellenbosch. Geargiveer vanaf die oorspronklike op 22 Mei 2020. Besoek op 8 Maart 2019.
4. (en) "Threatened Species Programme | SANBI Red List of South African Plants". Redlist of South African plants. South African National Biodiversity Institute. 2012. Besoek op 8 Maart 2019.
5. (en) Goldblatt, Peter; Manning, John C. (1990). "Devia xeromorpha, A New Genus and Species of Iridaceae-Ixioideae from the Cape Province, South Africa". Annals of the Missouri Botanical Garden. 77 (2): 359–364. doi:10.2307/2399551. ISSN 0026-6493.
6. (en) Michael Charters; Hugh Gascoyne Clarke (2016). The Illustrated Dictionary of Southern African Plant Names. Jacana Media. p. 500. ISBN 978-1-4314-2443-6. Geargiveer vanaf die oorspronklike op 2 Junie 2019. Besoek op 11 Maart 2019.

Eksterne skakels

• (en) Author Details for "Miriam Phoebe de Vos" from IPNI
• (en) Devia: for Dr. Miriam Phoebe de Vos (1912- ), botany professor at Stellenbosch University from "calflora.net"
• (en) Obituary for Professor M P de Vos op Wayback Machine (archived 1 Maart 2012)