Millimeter

'n Millimeter (simbool: mm) is 'n lengtemaat wat van die SI-basiseenheid vir lengte, die meter afgelei is. 'n Millimeter is die grootte van een duisendste deel van 'n meter. Die voorvoegsel milli is van die Latynse woord vir duisend afgelei.

Voorstelling van 'n liniaal met millimeter- en sentimetermerke

Dwarssnit van 'n plantstingel met 'n deursnee van 4 mm. Die plantselle is duidelik sigbaar. Die spesie is Ginkgo biloba.

'n Millimeter is gelyk aan 1 000 mikrometer en 1 000 000 nanometer. Daar is 25,4 mm in een duim.

Reën

Daarnaas word millimeter ook dikwels gebruik om 'n hoeveelheid reën op 'n oppervlak aan te dui. In hierdie konteks is 'n millimeter onafhanklik van die grootte van die oppervlak. Een millimeter reën dui een liter water op elke vierkante meter aan (1 L/m² = 1 dm³/m² = 1 000 000 mm³ / 1 000 000 mm² = 1 mm³/mm² = 1 mm).

SI-veelvoude

Veelvoud	Naam	Simbool	Veelvoud	Naam	Simbool
100	meter	m
103	kilometer	km	10–3	millimeter	mm
106	megameter	Mm	10–6	mikrometer	µm
109	gigameter	Gm	10–9	nanometer	nm
1012	terameter	Tm	10–12	pikometer	pm
1015	petameter	Pm	10–15	femtometer	fm
1018	eksameter	Em	10–18	attometer	am
1021	zettameter	Zm	10–21	zeptometer	zm
1024	jottameter	Ym	10–24	joktometer	ym

Daar is eenhede wat tot die metriese stelsel behoort het, maar wat nie meer in die S.I.-stelsel erken word nie, soos:

Veelvoud	Naam	Simbool	Veelvoud	Naam	Simbool
101	dekameter	dam	10–1	desimeter	dm
102	hektometer	hm	10–2	sentimeter	cm
			10–10	Ângström	Â