Mehmet V

Mehmet V Reshad (Ottomaanse Turks: محمد الخامس, moderne Turks: V.Mehmet Reşat; 2/3 November 1844 – 3/4 Julie 1918) was van 27 April 1909 tot met sy dood die 35ste sultan van die Ottomaanse Ryk.

Mehmet V
Sultan van die Ottomaanse Ryk Kalief van Islam
Volle naam	Sultan Mehmet V Reshad
Ottomaanse naam	محمد الخامس
Tydperk	27 April 1909 – 3 Julie 1918
Stadium	Ondergang van die Ottomaanse Ryk
Huis	Osman
Voorganger	Abdülhamid II
Opvolger	Mehmet VI
Toegra

Hy was die seun van sultan Abdülmecid I en het Abdülhamid II opgevolg nadat hy 30 jaar lank in die kafes deurgebring het, 9 jaar daarvan in eensame opsluiting. In dié tyd het hy ou Persiese styl digkuns bestudeer en ’n erkende digter geword.

Bewind

Mehmet V het die troon op 27 April 1909 bestyg, maar geen werklike mag gehad nie. Die besluite is geneem deur die Ottomaanse regering en daarna, tydens die Eerste Wêreldoorlog, deur drie "pasjas". Sy enigste belangrike politieke daad was om op 11 November 1914 amptelik djihad teen die Geallieerdes te verklaar. Dit was die laaste keer dat ’n kalief ’n djihad verklaar het, aangesien die Kalifaat in 1924 afgeskaf is.

Mehmet is op 3 Julie 1918 op 73-jarige ouderdom dood, net vier maande voor die einde van WOI en hy het dus nie die ondergang van die Ottomaanse Ryk beleef nie.

Hierdie artikel is vertaal vanuit die Engelse Wikipedia