Magnus Malan

Generaal Magnus André De Merindol Malan (30 Januarie 1930 – 18 Julie 2011) was 'n voormalige Minister van Verdediging in die Kabinet van P.W. Botha, hoof van die Suid-Afrikaanse Weermag en hoof van die Suid-Afrikaanse Leër.^[1]

Magnus Malan
Minister van Verdediging
Ampstermyn 1980 – 1991
President	P.W. Botha
Voorafgegaan deur	P.W. Botha
Opgevolg deur	Roelf Meyer
Persoonlike besonderhede
Gebore	30 Januarie 1930 Pretoria, Unie van Suid-Afrika
Sterf	18 Junie 2011 (op 81) Durbanville in Kaapstad
Politieke party	Nasionale Party
Eggenoot/-note	Magrietha Johanna van der Walt
Kind(ers)	2 seuns, 1 dogter
Alma mater	Universiteit van Pretoria
Religie	N.G. Kerk
Militêre Diens
Lojaliteit	Suid-Afrika
Diens/Tak	Suid-Afrikaanse Vloot Suid-Afrikaanse Leër
Jare in diens	1950 –1980
Rang	Generaal
Oorloë/Veldslae	Operasie Savannah
Toekennings	Ster van Suid-Afrika Orde van Voortreflike Diens Suiderkruisdekorasie Suiderkruismedalje

Biografie

Malan is op 30 Januarie 1930 in Pretoria gebore en in 1962 met Margot van der Walt getroud.

Hy is in 1973 as die hoof van die Suid-Afrikaanse Leër aangestel en drie jaar later as die hoof van die Suid-Afrikaanse Weermag. As hoof van die Weermag implementeer hy verskeie administratiewe veranderinge waarvoor hy respek verdien. Gedurende die tyd raak hy bevriend met P.W. Botha, toe die Minister van Verdediging en later die Eerste Minister.

In Oktober 1980 stel Botha hom aan as die Minister van Verdediging, 'n pos wat hy tot 1991 beklee het. Op 3 Februarie 1993 kondig hy sy uittrede uit die parlement aan.

Hy is op 18 Julie 2011 in sy huis in Durbanville in Kaapstad weens hartversaking oorlede. Hy laat sy vrou, twee seuns, 'n dogter en nege kleinkinders agter.^[2] Sy as word in die gedenkmuur by die Voortrekkermonument bewaar.^[3]

Toekennings

Malan is bekroon met die volgende toekennings en dekorasies:

• Orde van die Ster van Suid-Afrika (Militêr) (Goud) (SSAG) ^{[lower-alpha 1]}
• Order for Meritorious Service (Gold) (OMSG)
• Southern Cross Decoration (SD)
• Southern Cross Medal (1952) (SM)
• Pro Patria Medal (South Africa) (with Cunene Clasp)
• Good Service Medal (Gold (30 Years))
• Good Service Medal (Silver (20 Years))
• Permanent Force Good Service Medal

Notas

1. Vir voortreflike militêre diens deur opperoffisiere. 'n Goue malteserkruis, blou geëmailleerd, met proteablomme tussen die arms en 'n agtpuntige ster op die oppervlakte. Dit hang aan 'n blou halslint; by seremoniële geleenthede word die kenteken aan 'n goue ketting gehang. Daar is ook 'n agtpuntige borsster met die kenteken daarop