Lalie Beukes
From Wikipedia, the free encyclopedia
Johanna Maria Petronella Magrieta (Lalie) Beukes (* 7 Augustus 1916, † 8 Mei 2009) was ’n Suid-Afrikaanse skrywer en is op die plaas Stukkenddam naby Keimoes in die Benede Oranje gebore.
Haar ouers was Lukas Daniel Beukes en Johanna Petronella Theron, en die bekende dramaturg Gerhard Beukes een van haar broers. Sy studeer vir kleuteronderwys aan die Stellenbosch Kollege en gee daarna onderwys by Lindeshof in Caledon. Hierna is sy vir ongeveer elf jaar lank betrokke by die Oudtshoorn Girls High School, waar sy in die Montaguhuis ingewoon het. Teen die einde van 1954 aanvaar sy 'n pos aan Sentraal Laerskool in Bloemfontein. In 1957 gaan sy na Londen, waar sy as onderwyser verskeie aflosposte beklee. In Januarie 1958 keer sy terug na Bloemfontein en 'n pos by Sentraal Laerskool, waar sy later aangestel word as 'n departementshoof. Vir baie jare is sy sekretaresse van die OVS-Kunsvereniging.
Sy was 'n ywerige byeboer en bergklimmer, het pottebakkerswerk gedoen en skilderklasse by Vader Frans Claerhout geneem. Sy is op 8 Mei 2009 in Bloemfontein oorlede.[1]
Haar kindertoneelstuk in een bedryf, “Sneeuwitjie en die sewe dwergies”, is opgeneem in Gerhard J. Beukes se versamelbundel “Spele vir die Jongspan”. In hierdie stuk het sy die bekende Europese sprokie verwerk, om deur middel van fantasie die verhaal en boodskap aan kinders oor te dra. Sy het ook kinderversies vir jong kinders geskryf, soos “Katjie Nelletjie” en “Sommer baie laf”.[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
