Kwashiorkor
From Wikipedia, the free encyclopedia
From Wikipedia, the free encyclopedia
Kwashiorkor (kwasjiorkor) is 'n kindersiekte veroorsaak deur ondervoeding of wanvoeding.
|
|
Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word. |
| Kwashiorkor | ||
| Klassifikasie en eksterne bronne | ||
 | ||
| 'n Kind tydens die Nigeriese-Biafraanse oorlog van die laat 1960's toon die lyding a.g.v. ernstige hongersnood en wanvoeding | ||
 Mediese waarskuwing |
Geen data
<10
10–100
100–200
200–300
300–400
400–500
500–600
600–700
700–800
800–1000
1000–1350
>1350
Die siekte kom gewoonlik voor by voorskoolse kinders wat 'n dieet volg met 'n kroniese tekort aan goeie proteïene (dus byvoorbeeld mielies) en te veel koolhidrate. Dus is armoede en onkunde in die minderbevoorregte gemeenskappe die onderliggende oorsaak. Ook in tye van hongersnood weens oorloë, droogtes, misoeste of ander rampe ontstaan die kwaal dikwels. As 'n baba gespeen word weens 'n volgende swangerskap van die moeder kry die gespeende kind dikwels skielik te weinig proteïene vir sy of haar ouderdom. In sekere tradisionele landelike gemeenskappe in Afrika geniet die voeding van suigelinge en jong kinders 'n lae prioriteit. Volwassenes moet uitgaan om te gaan werk en het dus kos nodig om die krag daarvoor te hê. In ontwikkelde nywerheidsgeiede kom die siekte selde voor.
Eerste eienskappe van die siekte is 'n algemene vermoeidheid, lusteloosheid en slaperigheid. Die kind het 'n patetiese voorkoms. Later kom haarverlies en haarverkleuring en ook veranderinge in die vel voor. Voete, enkels, hande, gesig en die onderbuik swel dikwels. op. Die kind raak ook prikkelbaar. Bloedarmoede, wegkwyning van die spiere, 'n vergrote lewer en 'n te lae gewig vir die pasiënt se ouderdom raak opvallend. Dit kan op die lange duur lei tot verlangsaming van die groei en 'n vertraagde fisiese en psigiese ontwikkeling. In ernstige gevalle lei die lewersiekte tot die dood.
Maatskaplike opvoeding is die beste voorkomende maatreël. Die beteken die verbetering van die algemene gesondheidstoestand van die minderbevoorregte klasse in die samelewing. 'n Inname van 100 ml melk per dag verhoed kwashiorkor. Is die siekte reeds onderlede, moet die dieet onverwyld reggestel word deur langsaam die proteïen-inname te verhoog. Sedert 1963 is kwashiorkor in Suid-Afrika 'n aanmeldbare siekte.
Die naam kwashiorkor vir hierdie voedingsiekte kom uit 'n taal van Ghana. Dit beteken “as die tweede kind gebore is, begin die eerste siek word”. Die oudste kind kry nie meer borsvoeding as die nuwe kind gebore word en kry dus minder proteïene.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
